Зәбүр 129 - Изге Яҙма

1 Ҡорамға артылыусылар йыры.

¹ Ҡорамға артылыусылар йыры. Упҡын төбөнән Һиңә өндәшәм, Раббы!

² Эй бөйөк Хакимым, тауышымды ишет, Ялбарыуыма диҡҡәт менән ҡолаҡ һал!

³ Раббы, ғәйептәрҙе күҙәтеп барһаң, Кем ҡотолоп ҡалыр, бөйөк Хаким?

⁴ Әммә ярлыҡауың Үҙең менән, Шуға күрә лә Һинән ҡурҡабыҙ.

⁵ Раббыға өмөтөмдө бағлайым, Эйе, күңелем Уға ынтыла, Уның һүҙенә өмөт бағлайым.

⁶ Ҡарауылсылар таңды көткәндән, Эйе, таңды көткәндән дә нығыраҡ Йәнем бөйөк Хакимға ашҡына.

⁷ Исраил, Раббыға өмөт бағла! Раббы тоғро мөхәббәтен күрһәтә, Ҡотҡарыу Уның ихтыярында!

⁸ Ул Исраилды бөтә ғәйептәренән Йолоп, ҡотҡарып аласаҡ.