Зәбүр 121 - Изге Яҙма

1 Ҡорамға артылыусылар йыры. Дауыттың йыры.

¹ Ҡорамға артылыусылар йыры. Дауыттың йыры. «Раббының йортона барайыҡ», – тип Әйткәндәренә бик ҡыуандым мин.

² Аяҡтарыбыҙ ҡапҡаларың төбөндә, Йәрүсәлим!

³ Бер бөтөн итеп төҙөлгән ҡала Йәрүсәлим!

⁴ Ырыуҙар унда артылыр, Раббы ырыуҙары, Исраилға бирелгән ҡанун буйынса Раббы исеменә шөкөр итер өсөн.

⁵ Хөкөм өсөн бында тәхеттәр ҡоролған, Дауыт йортоноң тәхеттәре.

⁶ Именлек һорағыҙ Йәрүсәлим өсөн: «Һине һөйгәндәргә уңыш юлдаш булһын!

⁷ Диуарҙарың эсендә тыныслыҡ, Ҡәлғәләреңдә именлек булһын!»

⁸ Туғандарым, дуҫтарым хаҡына Әйтермен: «Тыныслыҡ булһын һиндә!»

⁹ Аллабыҙ Раббы йорто хаҡына Яҡшылыҡ теләйем һиңә.