Йушағ 15 - Изге Яҙма

Йәһүҙә ырыуына бирелгән ерҙәр

¹ Нәҫелдәренә күрә Йәһүҙә ырыуына йәрәбә буйынса иң көньяҡтан Эдом ерҙәренә һәм Цин сүленә терәлеп ятҡан өлөш эләкте.

² Уларҙың көньяҡ сиге Тоҙло диңгеҙҙең көньяҡ осондағы ҡултыҡтан башланып,

³ Ғаҡраббим тарлауығының көньяғынан уҙа ла Цин сүленә табан һуҙыла һәм Ҡадеш-Барнеағ ҡалаһының көньяғына күтәрелә. Артабан сик Хесронды үтеп, Аддарға табан менә, Ҡарҡағҡа табан борола ла,

⁴ Ғасмон аша үтеп, Мысыр сигендәге йылға буйлап барып диңгеҙгә терәлә. Был – һеҙҙең көньяҡ сигегеҙ.

⁵ Көнсығыш сигегеҙ – Тоҙло диңгеҙ, Иордан йылғаһы тамағына тиклем. Төньяҡ сик Тоҙло диңгеҙ ҡултығынан – Иордан йылғаһы тамағынан башланып,

⁶ Бейт-Хоглаға табан күтәрелә, Бейт-Ғараванан төньяҡҡараҡ үтеп, өҫкә, Рәүвән улыныҡы булған Боһан ҡаяһына менә.

⁷ Артабан Ғахор үҙәненән Девирға менә лә, төньяҡҡа, уянан көньяҡҡа үтеүсе Адуммим артылышы ҡаршыһындағы Гилгалға табан борола, шунан Шәмәш инешенә табан килеп, Рогел инешенә барып етә.

⁸ Артабан сик Бен-Һинном үҙәне буйлап күтәрелә лә Йевустың, йәғни Йәрүсәлимдең көньяҡ битләүенән үтеп, Һинном үҙәненең көнбайышында һәм Рефалар үҙәненән төньяҡтараҡ ятҡан тауҙың башына күтәрелә.

⁹ Тау башынан сик һыҙығы Нәфтоах сығанағына табан борола ла, Ғәфрон тауындағы ҡалаларға етеп Бағала, йәғни Ҡыръяҫ-Еғарим яғына китә.

¹⁰ Бағаланан сик көнбайышҡа, Сеғир тауы яғына, борола, Еғарим, йәғни Кесалон тауының төньяҡ битләүенән үтеп, Бейт-Шәмәш эргәһенә төшә, Тимна янынан үтеп,

¹¹ Ғәҡрон ҡалаһы урынлашҡан тауҙың төньяҡ битләүе буйлап барғас, Шиккерон яғына борола, Бағала тауын үтеп, Явнеил ҡалаһына килеп сыға һәм диңгеҙгә барып терәлә.

¹² Көнбайыш сик Бөйөк диңгеҙ яры буйлап уҙа. Был – нәҫелдәренә күрә Йәһүҙә улдарына бирелгән ерҙәрҙең сиге.

¹³ Йефунне улы Калевҡа Йәһүҙә нәҫел-нәсәбе еренән өлөш бүлеп бирелде – Раббы Йушағҡа шулай ҡушҡайны. Был Ҡыръяҫ-Арбағ, йәғни Хеврон ҡалаһы, Ғанаҡтың атаһы Арбағтың ҡалаһы ине.

¹⁴ Калев был ҡаланан Ғанаҡ нәҫеленән өс кешене – Шешайҙы, Ахиманды һәм Талмайҙы ҡыуып сығарҙы.

¹⁵ Шунан Калев, Девир ҡалаһында йәшәүселәргә һөжүм итер өсөн, юлға сыҡты. Девирҙың элекке исеме Ҡыръяҫ-Сәфәр ине.

¹⁶ Шунда Калев: – Ҡыръяҫ-Сәфәрҙә еңеү яулап, ҡаланы ҡулға төшөргән кешегә ҡыҙым Ғахсаны кәләш итеп бирәм, – тине.

¹⁷ Ҡаланы Калевтың туғаны Ҡыназдың улы Ғоҫниил алды, шуға ла Калев уға ҡыҙы Ғахсаны кәләш итеп бирҙе.

¹⁸ Ғоҫниилға кейәүгә сыҡҡас, Ғахса ирен атаһы Калевтан бер баҫыу һорарға өгөтләне. Ҡыҙы ишәк өҫтөнән төшөүгә атаһы: – Нимә теләйһең? – тип һораны.

¹⁹ – Миңә фатихаңды күндерһәңсе, – тине Ғахса. – Һин миңә Негевта ер бирҙең, хәҙер инде һыу сығанаҡтары ла бирһәң ине. Калев уға шул ерҙәге үрге һәм түбәнге һыу сығанаҡтарын бирҙе.

²⁰ Бына нәҫелдәренә күрә Йәһүҙә ырыуының биләмә ерҙәре:

²¹ Негевта, Эдом сигендә Йәһүҙә ырыуына түбәндәге ҡала-ауылдар ҡарай: Ҡавсеил, Ғедәр, Ягур,

²² Ҡина, Димона, Ғадғада,

²³ Ҡәдәш, Хасор, Йиҫнан,

²⁴ Зиф, Тәләм, Беғалоҫ,

²⁵ Хасор-Хадатта, Ҡирйоҫ-Хесрон, йәғни Хасор,

²⁶ Амам, Шемағ, Молада,

²⁷ Хасар-Гадда, Хешмон, Бейт-Пәләт,

²⁸ Хасар-Шуғал, Беер-Шәвәғ, Бизйоҫъяһ,

²⁹ Бағала, Ғийим, Ғесәм,

³⁰ Әлҫолад, Кесил, Хорма,

³¹ Сиҡлағ, Мадманна, Сансанна,

³² Леваоҫ, Шилхим, Ғайн һәм Риммон – тирә-яҡтағы ауылдары менән егерме туғыҙ ҡала.

³³ Шефелала: Әштәол, Сорға, Ашна,

³⁴ Заноах, Ғейн-Ганним, Таппуах, Ғенам,

³⁵ Ярмуҫ, Ғадуллам, Сохо, Ғазыҡа,

³⁶ Шағараим, Ғадиҫаим, Ғәдәрә һәм Гедеротаим – тирә-яҡтағы ауылдары менән ун дүрт ҡала.

³⁷ Сенан, Хадаша, Мигдал-Ғад,

³⁸ Дилған, Миспе, Йоҡтеил,

³⁹ Лахиш, Босҡаҫ, Ғәғлон,

⁴⁰ Каббон, Лахмас, Китлиш,

⁴¹ Гедероҫ, Бейт-Дагон, Нағама һәм Маҡҡыда – тирә-яҡтағы ауылдары менән ун алты ҡала.

⁴² Ливна, Ғәҫәр, Ғашан,

⁴³ Ифтах, Ашна, Несив,

⁴⁴ Ҡығила, Ахзив һәм Мареша – тирә-яҡтағы ауылдары менән туғыҙ ҡала.

⁴⁵ Эргә-тирәһендәге ауылдар менән Ғәҡрон;

⁴⁶ Ғәҡрон менән диңгеҙ араһында, Ашдод янындағы ҡалалар һәм улар тирәһендәге ауылдар;

⁴⁷ эргә-тирәһендәге ауылдар менән бергә Ашдод һәм Газа Мысыр сигендәге йылғаға һәм Бөйөк диңгеҙ ярына тиклем.

⁴⁸ Таулыҡ урындарҙа: Шамир, Яттир, Сохо,

⁴⁹ Данна, Ҡыръяҫ-Санна, йәғни Девир,

⁵⁰ Ғанав, Әштемо, Ғаним,

⁵¹ Гошен, Холон и Гило – тирә-яҡтағы ауылдары менән ун бер ҡала.

⁵² Арав, Дума, Эшған,

⁵³ Янум, Бейт-Таппуах, Афеҡа,

⁵⁴ Хумта, Ҡыръяҫ-Арбағ, йәғни Хеврон, һәм Сиғор – тирә-яҡтағы ауылдары менән туғыҙ ҡала.

⁵⁵ Мағон, Кармәл, Зиф, Ютта,

⁵⁶ Изреғил, Йоҡдеғам, Заноах,

⁵⁷ Ҡайин, Гивға һәм Тимна – тирә-яҡтағы ауылдары менән ун ҡала.

⁵⁸ Халхул, Бейт-Сур, Гедор,

⁵⁹ Мағараҫ, Бейт-Ғаноҫ һәм Әлтеҡон – тирә-яҡтағы ауылдары менән алты ҡала.

⁶⁰ Ҡыръяҫ-Бәғел, йәғни Ҡыръяҫ-Еғарим, һәм Рабба – тирә-яҡтағы ауылдары менән ике ҡала.

⁶¹ Сүллектә: Бейт-Ғарава, Миддин, Сехаха,

⁶² Нившан, Тоҙ ҡалаһы һәм Ғейн-Геди – тирә-яҡтағы ауылдары менән алты ҡала.

⁶³ Йәһүҙә нәҫелдәре Йәрүсәлимдән йевусиҙәрҙе ҡыуып сығара алманы. Йевусиҙәр әле лә Йәрүсәлимдә Йәһүҙә тоҡомо менән бергә йәшәй.