Иҫәп алыу 33 - Изге Яҙма

Мысырҙан Иордан йылғаһына тиклем үткән юл

¹ Муса менән Һарун етәкселегендә сиреү-сиреү булып Мысыр еренән сыҡҡан исраилдар түбәндәге урындарға туплам ҡороп урынлашты.

² Муса, Раббы бойорғанса, уларҙың сәфәрҙәге туплам ҡорған урындарын теркәп барҙы. Туплам урындары түбәндәгесә.

³ Беренсе айҙың ун бишенсе көнөндә, Ҡотҡарылыу байрамының иртәгәһенә, исраилдар бөтә Мысырҙың күҙ алдында ҡыйыу атлап Рағмесестан юлға төштө.

⁴ Ул ваҡытта мысырҙар Раббы һәләк иткән бөтә беренсе булып тыуған улдарын ерләй ине – был Раббының уларҙың аллалары өҫтөнән хөкөм ҡылыуы булды.

⁵ Исраилдар Рағмесестан шулай сығып китте һәм Суккоҫта туплам ҡорҙо.

⁶ Суккоҫтан киткәс, сүл ситендәге Эҫамда туплам ҡорҙолар.

⁷ Эҫамдан китеп, артҡа, Бәғел-Сефон алдындағы Пи-Һахироҫҡа табан боролдолар һәм Мигдол ҡаршыһында сатыр ҡороп урынлаштылар.

⁸ Пи-Һахироҫтан киткәс, диңгеҙ аша сүллеккә үттеләр ҙә Эҫам сүле буйлап өс көн барҙылар, шунан Марала туплам ҡорҙолар.

⁹ Маранан китеп, Элимға килделәр. Бында ун ике шишмә һәм етмеш төп хөрмә ағасы бар ине, шунда урынлаштылар.

¹⁰ Элимдан китеп, Ҡамышлы диңгеҙ ярында туҡтанылар.

¹¹ Ҡамышлы диңгеҙҙән китеп, Син сүленә килеп урынлаштылар.

¹² Син сүленән китеп, Дофҡала урынлаштылар.

¹³ Дофҡанан китеп, Алушта урынлаштылар.

¹⁴ Алуштан китеп, Рефидимда туҡтанылар, бында халыҡҡа эсәр һыу юҡ ине.

¹⁵ Рефидимдан китеп, Синай сүлендә урынлаштылар.

¹⁶ Синай сүленән киткәс, Ҡивроҫ-Һаттауала урынлаштылар.

¹⁷ Ҡивроҫ-Һаттауанан китеп, Хасироҫта урынлаштылар.

¹⁸ Хасироҫтан китеп, Риҫмала урынлаштылар.

¹⁹ Риҫманан китеп, Риммон-Пәрәстә урынлаштылар.

²⁰ Риммон-Пәрәстән китеп, Ливнала урынлаштылар.

²¹ Ливнанан китеп, Риссала урынлаштылар.

²² Риссанан китеп, Ҡыһылаҫала урынлаштылар.

²³ Ҡыһылаҫанан китеп, Шәфәр тауы янында урынлаштылар.

²⁴ Шәфәр тауынан китеп, Харадала урынлаштылар.

²⁵ Хараданан китеп, Маҡһылоҫта урынлаштылар.

²⁶ Маҡһылоҫтан китеп, Тахаҫта урынлаштылар.

²⁷ Тахаҫтан китеп, Терахта урынлаштылар.

²⁸ Терахтан китеп, Миҫкала урынлаштылар.

²⁹ Миҫканан китеп, Хашмонала урынлаштылар.

³⁰ Хашмонанан китеп, Мосероҫта урынлаштылар.

³¹ Мосероҫтан китеп, Бене-Яғаҡанда урынлаштылар.

³² Бене-Яғаҡандан китеп, Хор-Һаггидгадта урынлаштылар.

³³ Хор-Һаггидгадтан китеп, Йотбаҫала урынлаштылар.

³⁴ Йотбаҫанан китеп, Ғавронала урынлаштылар.

³⁵ Ғавронанан китеп, Ғәсйон-Ғәвәрҙә урынлаштылар.

³⁶ Ғәсйон-Ғәвәрҙән китеп, Цин сүлендә, йәғни Ҡадешта, урынлаштылар.

³⁷ Ҡадештан китеп, Эдом ерҙәре сигендә Һор тауы янында урынлаштылар.

³⁸ Һарун ҡаһин Раббы ҡушыуы буйынса Һор тауына күтәрелде һәм исраилдарҙың Мысыр еренән сығыуының ҡырҡынсы йылында, бишенсе айҙың беренсе көнөндә, вафат булды.

³⁹ Һор тауында мәрхүм булғанында Һарунға йөҙ ҙә егерме өс йәш ине.

⁴⁰ Шул саҡта Ҡәнғәндәге Ғарадтың Негевта йәшәгән батшаһы исраилдар килә ятҡанын ишетте.

⁴¹ Исраилдар Һор тауынан Салмонаға барып урынлашты.

⁴² Салмонанан Пунонға барып урынлаштылар.

⁴³ Пунондан Овоҫҡа барып урынлаштылар.

⁴⁴ Овоҫтан Моав сигендәге Ғийе-Һағаваримға барып урынлаштылар.

⁴⁵ Ғийе-Һағаваримдан китеп, Дивон-Ғадҡа барып урынлаштылар.

⁴⁶ Дивон-Ғадтан китеп, Ғалмон-Дивлаҫаимға барып урынлаштылар.

⁴⁷ Ғалмон-Дивлаҫаимдан китеп, Нево алдындағы Ғаварим тауҙарында урынлаштылар.

⁴⁸ Ғаварим тауҙарынан Иордан буйына барып, Моав тигеҙлегендә, Йерихо ҡаршыһында туплам ҡороп урынлаштылар.

⁴⁹ Улар Моав тигеҙлегендә, Иордан буйында, Бейт-Йешимоҫтан Авел-Шиттимгә тиклем арала туҡталды.

Нәҙер ителгән ерҙе биләү хаҡында ҡағиҙә

⁵⁰ Моав тигеҙлегендә, Иордан буйында, Йерихо ҡаршыһында саҡта Раббы Мусаға былай тине:

⁵¹ – Исраилдарға шуны еткер: «Иорданды кисеп, Ҡәнғән еренә сыҡҡас,

⁵² ундағы бөтә халыҡты ҡыуығыҙ, биҙәкле таштарын, ҡойолма илаһтарын юҡ итегеҙ, табыныу ҡалҡыулыҡтарын туҙҙырығыҙ.

⁵³ Ерҙәрен биләгеҙ һәм шунда урынлашығыҙ, сөнки Мин уны милек итеп һеҙгә бирәм.

⁵⁴ Ерҙе йәрәбә буйынса нәҫел-ара бүлешегеҙ: күп һанлыға биләмәне күберәк, аҙ һанлыға аҙыраҡ бирегеҙ. Йәрәбә буйынса кемгә ҡайһы ер сыға, шул уға булһын. Өлөшөгөҙҙө ата-бабаларығыҙ ырыуҙары буйынса биләмә итеп алығыҙ.

⁵⁵ Әгәр Ҡәнғәндә йәшәгәндәрҙе ҡыуып ебәрмәһәгеҙ, тороп ҡалғандар күҙегеҙгә дегәнәк булып төшәсәк, ҡабырғағыҙға энә булып ҡаҙаласаҡ, һеҙ йәшәгән ерҙә һеҙҙе ҡыҫырыҡлаясаҡ.

⁵⁶ Шул саҡта Мин уларға ҡаршы нимә ҡылырға ниәт итһәм, шуны һеҙгә ҡылырмын».