Зәбүр 86 - Изге Яҙма

1 Ҡорах улдарының йыр-мәҙхиәһе.

¹ Ҡорах улдарының йыр-мәҙхиәһе. Ул Йәрүсәлимде мөҡәддәс тау өҫтөнә ҡорған!

² Раббы Сион ҡапҡаларын Яҡуп нәҫеленең бар төйәктәренән нығыраҡ һөйә.

³ Эй Алла ҡалаһы, һинең хаҡта Ниндәй ғәжәйеп һүҙҙәр һөйләйҙәр. Села

⁴ Мине танығандар араһына Раһав менән Бабилды ла индерермен, Пелешеҫ менән Тир, Куш хаҡында: «Ул да бында тыуған», – тиерҙәр.

⁵ Ә Сион тураһында былай әйтелер: «Шул да унда тыуған, был да, Юғарыларҙан Юғары Үҙе Уны ҡаҡшамаҫ итәлер».

⁶ Раббы халыҡтар исемлегендә: «Был да Сионда тыуған», – тип яҙыр. Села

⁷ Йыраусылар менән бейеүселәр: «Тормош сығанағым – һиндә», – тип әйтер.