Зәбүр 81 - Изге Яҙма

1 Асафтың мәҙхиәһе.

¹ Асафтың мәҙхиәһе. Алла илаһи йыйында тороп, Хөкөмөн әйтте илаһтар араһында:

² «Ҡасанғаса нахаҡ хөкөм ҡылырһығыҙ? Яуыздарҙы аҡлап ҡалырһығыҙ? Села

³ Ярлы менән етемдең дәғүәһенә ғәҙел ҡарағыҙ; Мохтаж менән фәҡирҙең хаҡын бирегеҙ.

⁴ Юҡһыл менән хәйерсене ҡотҡарығыҙ, Яуыздарҙың ҡулынан уларҙы тартып алығыҙ.

⁵ Тик белмәйҙәр, аңламайҙар! Дөм ҡараңғыла йөрөйҙәр. Ер йөҙөнөң нигеҙҙәре ҡаҡшаған.

⁶ Әйттем Мин: „Һеҙ илаһтарһығыҙ; Һәммәгеҙ ҙә Юғарыларҙан Юғарының улдары.

⁷ Ләкин һеҙ кешеләр кеүек үк үләсәкһегеҙ, Берәй хаким һымаҡ юғарынан ҡоларһығыҙ“».

⁸ Эй Алла, ҡалҡ, хөкөм ит ер йөҙөн! Һәммә халыҡтар ҙа Һинеке бит!