Зәбүр 53 - Изге Яҙма

¹ Йырсылар етәксеһенә: Ҡыллы уйын ҡоралдарында. Дауыттың уйланыуҙары

² Зиф кешеләре килеп Шаулға: «Дауыт беҙҙең яҡтарҙа ҡасып ята», – тип әйткәндән һуң сығарылған.

³ Эй Алла, исемең хаҡына мине ҡотҡар, Ҡөҙрәтең менән мине хаҡҡа сығар!

⁴ Эй Алла, доғамды тыңлаһана, Ҡолаҡ һал ауыҙымдан сыҡҡан һүҙҙәргә.

⁵ Юҡһа яттар миңә ҡаршы ҡалҡты, Аяуһыҙҙар мине үлтерергә теләй, Улар һанламай Алланы. Села

⁶ Әммә Алла миңә ярҙам итер, Бөйөк Хаким йәнемә таяныс булыр.

⁷ Дошмандарымдың яуызлыҡтары үҙҙәренең башына төшһөн, Тоғролоғоңдо күрһәт – Һин уларҙы юҡҡа сығар.

⁸ Һиңә нәфел ҡорбандары килтерермен, Изге исемеңә шөкөраналар ҡылырмын, Раббы. Сөнки Һин – игелек сығанағы.

⁹ Һин мине бөтә бәләләрҙән ҡотҡарҙың, Тантана менән ҡарайым дошмандарға.