Зәбүр 24 - Изге Яҙма

1 Дауыттың мәҙхиәһе.

¹ Дауыттың мәҙхиәһе. Йәнемде Һиңә тапшырам, Раббы!

(Алеф) (Бейт)

(Бейт)

² Эй Аллам, мин Һиңә өмөт тотам, Еңелеп, мәсхәрәгә ҡалыуҙан һаҡла. Дошмандарым, минән көлөп, тантана итә алмаһын!

(Гимел)

(Гимел)

³ Һиңә өмөт бағлағандар оятҡа ҡала күрмәһен. Мәкерле хыянат итеүселәр үҙҙәре хурлыҡҡа төшһөн.

(Далеҫ)

(Далеҫ)

⁴ Раббы, юлдарыңды күрһәт миңә, Һуҡмағыңдан нисек йөрөргә төшөндөр.

(Һе)

(Һе)

⁵ Хаҡлыҡ юлынан алып бар мине, өйрәт; Мине ҡотҡарыусы Аллам бит Һин. Ышанысым һәр саҡ Һиндә генә.

(Зайн)

(Зайн)

⁶ Раббы, мәңгелектән килгән Мәрхәмәтең менән мөхәббәтеңде иҫкә төшөр.

(Хеҫ)

(Хеҫ)

⁷ Йәшлектә ҡылған гонаһтарымды иҫкә алма, Яман ҡылыҡтарым өсөн язалама. Тоғро мөхәббәтеңә күрә хәтерлә мине, Игелегеңә күрә иҫтә тот, Раббым!

(Теҫ)

(Теҫ)

⁸ Раббы игелекле, ғәҙел, Ул гонаһлыларға юл күрһәтер.

(Йод)

(Йод)

⁹ Баҫалҡыларҙы хаҡлыҡ юлынан етәкләй, Үҙ юлдарын өйрәтә уларға.

(Каф)

(Каф)

¹⁰ Раббы менән килешеүҙе, Уның күрһәтмәләрен тотҡандар Раббы юлында мөхәббәт һәм тоғролоҡҡа осрар.

(Ламед)

(Ламед)

¹¹ Исемең хаҡына, Раббы, ярлыҡай күр, Сөнки минең ғәйебем ҙур.

(Мем)

(Мем)

¹² Кем ул Раббынан ҡурҡҡан зат? Шуға Раббы дөрөҫ юл һайларға өйрәтер.

(Нун)

(Нун)

¹³ Ул рәхәттә ғүмер итер; Иле тоҡомона мираҫҡа ҡалыр.

(Самех)

(Самех)

¹⁴ Раббы Үҙенән ҡурҡҡандарға серен асыр, Уларға Үҙ килешеүен аңлатыр.

(Ғайн)

(Ғайн)

¹⁵ Күҙҙәрем һәр саҡ Раббыла минең, Сөнки аяҡтарымды тоҙаҡтан Ул сығара.

(Пе)

(Пе)

¹⁶ Йөҙөңдө бор миңә, шәфҡәтле бул; Сөнки яңғыҙмын, мохтажлыҡтамын.

(Саде)

(Саде)

¹⁷ Күңелемдә хәсрәттәрем артты, Ҡотҡарһаңсы мине бәләләрҙән!

¹⁸ Күреп минең ғазап, ҡайғыларҙы, Бар гонаһтарымдан ярлыҡасы!

(Реш)

(Реш)

¹⁹ Ҡара дошмандарыма, ныҡ күбәйҙеләр, Миңә аяуһыҙ нәфрәт менән бағалар!

(Син менән Шин)

(Син менән Шин)

²⁰ Һаҡла йәнемде, йолоп ал мине! Һиңә һыйынам, хурлыҡҡа ҡалдырмаҫһың!

(Тау)

(Тау)

²¹ Паклыҡ менән тоғролоҡ ҡурсалаһын мине, Мин өмөтөмдө Һиңә бағлайым.

²² Эй Алла, Исраилды бөтә бәләләренән ҡотҡар!