Зәбүр 19 - Изге Яҙма

¹ Йырсылар етәксеһенә: Дауыттың мәҙхиәһе.

² Бәлә килгәндә яуап ҡайтарһын һиңә Раббы, Яҡуп Аллаһының исеме һине һаҡлаһын!

³ Мөҡәддәс торлағынан ярҙам ебәрһен, Сиондан Ул һиңә таяныс юллаһын.

⁴ Бөтә саҙаҡаларыңды иҫкә алһын, Тотош яндырыу ҡорбандарыңды ҡабул ҡылһын! Села

⁵ Йәнең теләгәнде бирһен, Һәр бер ниәтеңде ғәмәл итһен!

⁶ Ә беҙ һинең еңеүеңә шатланып гөрләшербеҙ, Аллабыҙ исеме менән байраҡ күтәрербеҙ. Раббы бөтә үтенестәреңде ғәмәл ҡылһын.

⁷ Инде беләм, Раббы Үҙе мәсехләгән батшаны ҡотҡарыр, Уға мөҡәддәс күгенән яуап бирер, Ҡөҙрәтле уң ҡулы менән еңеү бүләк итер.

⁸ Ҡайһылар яу арбалары, Икенселәр аттары менән маҡтаныр. Беҙ иһә Аллабыҙ Раббының исеме менән маҡтанырбыҙ.

⁹ Тегеләр сүгер һәм йығылырҙар, Беҙ ҡалҡырбыҙ, туп-тура торорбоҙ.

¹⁰ Йә Раббы, Һин батшаға еңеү бир! Һине саҡырғанда, беҙгә яуап ҡайтар!