Зәбүр 144 - Изге Яҙма

1 Дауыттың маҡтау йыры.

¹ Дауыттың маҡтау йыры. Эй Аллам, минең Батшам, Һине ҙурлармын, Исемеңә мәңге маҡтау яуҙырырмын!

(Алеф) (Бейт)

(Бейт)

² Һәр көн Һине мөбәрәк ҡыламын, Исемеңде мәңгенән-мәңгегә данлайым.

(Гимел)

(Гимел)

³ Раббы бөйөк, икһеҙ-сикһеҙ маҡтауға Ул лайыҡ, Уның бөйөклөгөнә һис етмәҫ аҡыл.

(Далеҫ)

(Далеҫ)

⁴ Ҡылған ғәмәлдәрең быуындан-быуынға маҡталыр, Ҡөҙрәтле эштәреңде һөйләп туя алмаҫтар.

(Һе)

(Һе)

⁵ Балҡышың, даның, мөһабәтлегең, Ҡылған хикмәттәрең хаҡында уйлайым.

(Уау)

(Уау)

⁶ Тетрәткес ғәмәлдәреңдең ҡөҙрәте тураһында һөйләйҙәр, Мин дә бөйөклөгөңдө иғлан итермен.

(Зайн)

(Зайн)

⁷ Сикһеҙ игелегеңде иҫләрҙәр, Ғәҙеллегеңде маҡтап йырларҙар.

(Хеҫ)

(Хеҫ)

⁸ Раббы рәхимле һәм мәрхәмәтле, Сикһеҙ түҙемле һәм оло мөхәббәтле.

(Теҫ)

(Теҫ)

⁹ Раббы барыһына ла игелекле, Үҙе бар ҡылғандарға рәхимле.

(Йод)

(Йод)

¹⁰ Һин яратҡандар Һиңә шөкөр итәләр, Раббы, Тоғро бәндәләрең маҡтау яуҙыралар.

(Каф)

(Каф)

¹¹ Батшалығыңдың шөһрәтен улар һөйләр, Ҡөҙрәтең хаҡында бәйән итер;

(Ламед)

(Ламед)

¹² Әйҙә һәр кем ҡөҙрәтле ғәмәлдәреңде, Батшалығыңдың мөһабәт шөһрәтен тойһон.

(Мем)

(Мем)

¹³ Батшалығың Һинең – мәңгелек батшалыҡ, Хакимлығың – быуындан-быуынға дауам итә.

(Самех)

(Самех)

¹⁴ Йығылырға торғандарға таяныс Раббы, Ул ҡолатылғандарҙы торғоҙа.

(Ғайн)

(Ғайн)

¹⁵ Һәр күҙ өмөт менән Һиңә баға, Раббы, Һәр кемгә ризыҡ бирәһең ваҡытында.

(Пе)

(Пе)

¹⁶ Һин усыңды асаһың да, Һәр йән эйәһенә теләгәнен ашатаһың.

(Саде)

(Саде)

¹⁷ Раббының бөтә юлдары ғәҙел, Ҡылған ғәмәлдәре тоғро.

(Ҡоф)

(Ҡоф)

¹⁸ Яҡын Раббы Үҙен саҡырғандарға, Саф күңелдән Үҙенә ялбарғандарға.

(Реш)

(Реш)

¹⁹ Үҙенән ҡурҡҡандарҙы моратына ирештерер, Ялбарыуҙарын ишетеп, уларҙы ҡотҡарыр.

(Син менән Шин)

(Син менән Шин)

²⁰ Раббы Үҙен яратҡандарҙың һәммәһен һаҡлар, Бөтә яуыздарҙы ҡырып ташлар.

(Тау)

(Тау)

²¹ Телем туҡтауһыҙ Раббыны маҡтар! Барса йән эйәләре Уның изге исемен Мәңгенән-мәңгегә данлар!