Зәбүр 136 - Изге Яҙма

¹ Бабил йылғаларының буйында, унда Ултыра ла Сионды иҫкә төшөрөп илай инек.

² Ошонда тал ботаҡтарына Лирабыҙҙы аҫып ҡуя инек.

³ Беҙҙе ул ерҙә әсир иткәндәр йыр һүҙҙәрен, Иҙеүселәр уйын-көлкө талап итте: «Йырлағыҙ беҙгә Сион йырҙарын!»

⁴ Ни йәнебеҙ менән йырлайыҡ һуң Ят тупраҡта Раббыбыҙҙың йырын?

⁵ Эй Йәрүсәлим, һине онотор булһам, Ҡороп ҡына ҡатһын уң ҡулым.

⁶ Һине хәтеремә төшөрмәһәм, Һөйөнөстәремдең иң түренә Йәрүсәлимде ҡуймаһам, Телем аңҡауыма йәбешеп ҡалһын!

⁷ Йәрүсәлим ҡолатылған көндө: «Емер уны, емер нигеҙенә тиклем!» – Тигән Эдом улдарын иҫеңә төшөр, Раббы!

⁸ Эй емереләсәк Бабил-ҡыҙ! Беҙгә ҡылғаныңдың ҡонон Ҡайтарыр зат ҡайһылай бәхетле!

⁹ Ниндәй бәхетле сабыйҙарыңды тотоп, Ҡаяға ялпаштыра һуғасаҡ кеше!