Зәбүр 13 - Изге Яҙма

1 Йырсылар етәксеһенә: Дауыттың мәҙхиәһе.

¹ Йырсылар етәксеһенә: Дауыттың мәҙхиәһе. Ахмаҡ эсенән генә уйлай: «Алла юҡ!» Кеше боҙолдо, әшәкелеге алдан йөрөй. Яҡшылыҡ ҡылыусы бер кем дә юҡ.

² Раббы күктән әҙәм балаларына күҙ һала: Аңлылар, Алланы эҙләгәндәр бармы?

³ Барыһы ла юлдан яҙған, берҙәй боҙолған; Яҡшылыҡ ҡылған әҙәм юҡ, Исмаһам, берәү ҡалмаған!

⁴ Яуызлыҡ ҡылыусылар – Халҡымды икмәк урынына ашағандар, Раббыны саҡырмағандар – Бер ни ҙә аңламаймы ни?

⁵ Улар оло дәһшәткә төшәсәк, Сөнки Алла тәҡүә быуын яҡлы.

⁶ Һеҙ фәҡирҙең ниәтен бушҡа сығараһығыҙ, Әммә Раббы уларҙың һыйынысы.

⁷ Сиондан Исраилға ҡотолоу килһә ине! Раббы Үҙ халҡына муллыҡ-именлек ҡайтарғас, Яҡуп нәҫеле шатлыҡ кисерер, Исраил халҡы ҡыуаныр!