Зәбүр 128 - Изге Яҙма

1 Ҡорамға артылыусылар йыры.

¹ Ҡорамға артылыусылар йыры. Инде былай тиһен Исраил: «Йәш сағымдан мине ныҡ иҙҙеләр, –

² Эйе, йәш сағымдан мине ныҡ иҙҙеләр, Әммә еңә алманылар.

³ Һабансылар һабан һөрҙөләр һыртымда, Оҙон бураҙналар һалдылар.

⁴ Әммә Раббы ғәҙел, Яуыздар һалған бауҙарҙы ҡырҡып ташланы».

⁵ Сионға ҡарата нәфрәт тотҡан һәр кем Оятҡа ҡалып артҡа сигенһен.

⁶ Йолҡҡанға тиклем үк ҡороп ҡалған, Ҡыйыҡта үҫкән үлән һымаҡ булһындар улар.

⁷ Ундай үлән менән ураҡсы – усын, Көлтә бәйләүсе ҡосағын тултырмаҫ.

⁸ Үтеп барыусылар иһә: «Алла һеҙгә фатиха бирһен, Раббы исеме менән бәрәкәт теләйбеҙ», – тип әйтмәҫ.