Зәбүр 127 - Изге Яҙма

1 Ҡорамға артылыусылар йыры.

¹ Ҡорамға артылыусылар йыры. Ниндәй бәхетле Раббынан ҡурҡҡан, Уның юлында йөрөгән әҙәм!

² Ҡулың менән эшләп тапҡанды ашарһың, Һин бәхетле, рәхәт булыр һиңә.

³ Ҡатының өйөңдә мул уңыш биргән йөҙөмдәй булыр; Балаларың зәйтүн үҫентеһе һымаҡ өҫтәлеңде уратып ултырыр.

⁴ Раббынан ҡурҡҡан кеше Бына ошолай фатихаланыр.

⁵ Раббы Сиондан һиңә хәйер-фатиха бирһен! Йәрүсәлимдең хөр тормошон күрерһең Бөтөн ғүмерең буйынса!

⁶ Балаларыңдың балаларын күрерһең! Исраилға булһын именлек!