Зәбүр 125 - Изге Яҙма

1 Ҡорамға артылыусылар йыры.

¹ Ҡорамға артылыусылар йыры. Раббы Сиондың тотҡондарын ҡайтарған саҡта, Беҙ төш күргән һымаҡ булдыҡ.

² Ауыҙыбыҙ шатлыҡтан йырылды, Телебеҙҙән ҡыуаныс ауаздары түгелде. Шунда башҡа ҡәүемдәр бер-береһенә әйтте: «Раббы уларға бөйөк эш ҡылды!»

³ Раббы беҙгә бөйөк эштәр ҡылды, Беҙ һөйөнөп бөтә алманыҡ.

⁴ Негев сүлендә ҡороған үҙәндәрҙе ҡабат һыуға тултырған һымаҡ, Тотҡондағыларыбыҙҙы кире ҡайтар, Раббы.

⁵ Күҙ йәше менән орлоҡ сәскәндәр Шатланышып уңыш урыр;

⁶ Орлоҡ тоғон аҫып илай-илай сәсеүселәр, Шатлана-шатлана көлтәләр күтәреп ҡайтыр.