Зәбүр 124 - Изге Яҙма

1 Ҡорамға артылыусылар йыры.

¹ Ҡорамға артылыусылар йыры. Раббыға өмөтөн бағлағандар Тетрәмәҫ, мәңге торор Сион тауына оҡшар.

² Тауҙар Йәрүсәлимде нисек уратһа, Хәҙер ҙә, мәңге лә Раббы ла халҡын шулай ҡурсалар.

³ Залимдың хакимлыҡ таяғы Тоғроларҙың биләмәһендә оҙаҡҡа ҡалмаҫ, Юҡһа тәҡүәләр ҡулдарын яман эштәргә һуҙыр.

⁴ Йә Раббы, саф йөрәклеләргә, Игелеклеләргә игелек ҡыл.

⁵ Әммә ҡыйыш юлға баҫҡандарҙы Раббы боҙоҡтар менән бергә ҡыуып ебәрер. Исраилға булһын именлек!