Зәбүр 123 - Изге Яҙма

1 Ҡорамға артылыусылар йыры. Дауыттың йыры.

¹ Ҡорамға артылыусылар йыры. Дауыттың йыры. Инде былай тиһен Исраил: Әгәр ҙә Раббы беҙҙең янда булмаһа,

² Әгәр ҙә Раббы беҙҙең менән булмаһа, Кешеләр беҙгә баш күтәргән саҡта

³ Беҙҙе тереләй йоторҙар ине, Беҙгә ҡаршы асыуҙары тоҡанғанда.

⁴ Һыуҙар беҙҙе йыуып ташлар ине, Ташҡын беҙҙе баҫып китер ине,

⁵ Шашҡан һыуҙар башыбыҙҙан ашыр ине.

⁶ Раббы мөбәрәк булһын – Йыртҡыс тештәргә беҙҙе табыш итеп бирмәне!

⁷ Йәнебеҙ беҙҙе аулаусыларҙың тоҙағынан Ҡоштай ысҡынды, Ау өҙөлдө лә ҡотолоп сыҡтыҡ.

⁸ Беҙҙең өсөн ярҙам килә Күк менән ерҙе яратҡан Раббынан.