Зәбүр 120 - Изге Яҙма

1 Ҡорамға артылыусылар йыры.

¹ Ҡорамға артылыусылар йыры. Күҙҙәремде тауҙарға төбәйем, Ҡайҙан килер икән миңә ярҙам?

² Миңә ярҙам киләсәк Раббынан, Күк менән ерҙе Бар ҡылыусынан.

³ Ул аяҡтарыңа абынырға бирмәҫ, Һине ҡурсалаусы һәр саҡ уяу.

⁴ Баҡ, Исраилды һаҡлаусы Ойоп та китмәҫ, йоҡламаҫ.

⁵ Һинең һаҡлаусың – Раббы, Ул уң яғыңда, һинең ышығың.

⁶ Көндөҙ ҡояштың һиңә зыяны теймәҫ, Төндә ай ҙа һиңә зарар итмәҫ.

⁷ Раббы һине яманлыҡтан һаҡлар, Йәнеңде һәр саҡ ҡурсалар.

⁸ Ингәнеңде лә, сыҡҡаныңды ла Хәҙер ҙә, мәңге лә һаҡлап торор.