Зәбүр 119 - Изге Яҙма

1 Ҡорамға артылыусылар йыры.

¹ Ҡорамға артылыусылар йыры. Хәсрәтле сағымда Раббыға ялбарҙым, Ул миңә яуап ҡайтарҙы.

² Раббы, ҡотҡар йәнемде ялған телдәрҙән, Алдаҡсының ауыҙынан!

³ Эй мәкерле тел, һиңә нимә бирелер, Уның өҫтөнә нимә өҫтәлер?

⁴ Яугирҙең осло уҡтары! Артыш ағасының утлы ҡуҙы!

⁵ Хәлем ауыр, Мәшәхтә килмешәкмен; Төйәгем – Ҡыдар сатырҙарында.

⁶ Артыҡ оҙаҡ торҙом Тыныслыҡты күрә алмағандар араһында.

⁷ Мин тыныслыҡ яғындамын, Әммә һөйләйем тип ауыҙ асһам, Улар һуғыш хаҡында һүҙ башлай.