Зәбүр 115 - Изге Яҙма

^1-2 «Әсе хәсрәттәмен», – тигәндә лә, Йәнем көйөп: «Бөтә кеше алдаҡсы», – тиһәм дә, Раббыға ышанысым юғалманы.

³ Раббы миңә ҡылған бар яҡшылыҡтарҙы Уға нисек итеп ҡайтарайым?

⁴ Ҡотолоу туҫтағын юғары күтәрермен, Раббының исемен ҡабатлармын.

⁵ Раббыға нәҙерҙәремде Бөтә халҡы алдында үтәрмен.

⁶ Тоғро бәндәләренең йәне Раббы өсөн ифрат ғәзиз.

⁷ Йә Раббы, Һинең ҡолоңмон; Мин Һинең ҡолоң, ҡолиәңдең улымын. Һин минең бығауҙарымды өҙҙөң.

⁸ Шөкөр ҡорбандары килтерермен, Раббының исемен ҡабатлармын.

⁹ Раббыға нәҙеремде үтәрмен Уның бөтә халҡы ҡаршыһында,

¹⁰ Раббы ҡорамы ихатаһында, Һинең уртаңда, эй Йәрүсәлим! Раббыны данлағыҙ!