Нөхәмияһ 7 - Изге Яҙма

¹ Диуар төҙөлөп бөтөп, ҡапҡаларҙы ҡуйғандан һуң, ҡапҡа һаҡсылары, йырсылар һәм левиҙәр тәғәйенләнде.

² Йәрүсәлим менән идара итергә туғаным Ханани менән Йәрүсәлим ҡәлғәһе башлығы Хананъяһты ҡуйҙым. Сөнки Хананъяһ күптәргә ҡарағанда тоғро һәм Алланан ҡурҡҡан кеше ине.

³ Мин уларға: – Йәрүсәлим ҡапҡаларын ҡояш ҡыҙҙыра башламайынса асмағыҙ. Ҡапҡа һаҡсылары ҡарауылда торған саҡтарында ҡапҡаларҙы ябып бикләһендәр. Һаҡсылар итеп Йәрүсәлимдә йәшәгән кешеләрҙе ҡуйығыҙ, ҡайһы берәүҙәре билдәләнгән урында, икенселәр үҙ йорттары ҡаршыһында торһон, – тинем.

Һөргөндән ҡайтҡандарҙың исемлеге

⁴ Йәрүсәлим иркен һәм ҙур ҡала, әммә кешеләре аҙ ине. Йорттарҙың күбеһе аяҡҡа баҫтырылмағайны әле.

⁵ Аллам күңелемә дәрәжәле кешеләрҙе, түрәләрҙе һәм бөтә ябай халыҡты туплап, нәҫелдәр буйынса иҫәп алыу ихтыярын һалды. Мин әсирлектән иң тәүҙә ҡайтҡан кешеләрҙең нәҫел исемлеген табып алдым. Унда былай тип яҙылғайны:

⁶ Бына өлкәнең Бабил батшаһы Навуходоносор Бабилға алып киткән һәм әле һөргөн әсирлегенән Йәрүсәлимгә һәм Йәһүҙәгә, һәр береһе үҙ ҡалаһына әйләнеп ҡайтҡан кешеләре.

⁷ Уларҙы Зеруббавел, Йешуағ, Нөхәмияһ, Ғазаръяһ, Рағамъяһ, Нахамани, Мордехай, Билшан, Миспәрәҫ, Бигуай, Нехум һәм Бағана алып килде. Бына ул исраилдарҙың исемлеге:

⁸ Парғош нәҫеленән – ике мең йөҙ етмеш ике кеше;

⁹ Шефатъяһ нәҫеленән – өс йөҙ етмеш ике кеше;

¹⁰ Арах нәҫеленән – алты йөҙ илле ике кеше;

¹¹ Пахаҫ-Моав нәҫеленән Йешуағ менән Йоав тармағы – ике мең һигеҙ йөҙ ун һигеҙ кеше;

¹² Ғелам нәҫеленән – бер мең ике йөҙ илле дүрт кеше;

¹³ Затту нәҫеленән – һигеҙ йөҙ ҡырҡ биш кеше;

¹⁴ Заккай нәҫеленән – ете йөҙ алтмыш кеше;

¹⁵ Биннуй нәҫеленән – алты йөҙ ҡырҡ һигеҙ кеше;

¹⁶ Бевай нәҫеленән – алты йөҙ егерме һигеҙ кеше;

¹⁷ Ғазгад нәҫеленән – ике мең өс йөҙ егерме ике кеше;

¹⁸ Адониҡам нәҫеленән – алты йөҙ алтмыш ете кеше;

¹⁹ Бигуай нәҫеленән – ике мең алтмыш ете кеше;

²⁰ Ғадин нәҫеленән – алты йөҙ илле биш кеше;

²¹ Атер нәҫеле Хизкияһ тармағынан – туҡһан һигеҙ кеше;

²² Хашум нәҫеленән – өс йөҙ егерме һигеҙ кеше;

²³ Бесай нәҫеленән – өс йөҙ егерме дүрт кеше;

²⁴ Хариф нәҫеленән – бер йөҙ ун ике кеше;

²⁵ сығышы менән Ғивғондан булғандар нәҫеленән – туҡһан биш кеше.

²⁶ Сығышы менән Бейт-Ләхәм һәм Нетофанан булғандар нәҫеленән – бер йөҙ һикһән һигеҙ кеше;

²⁷ сығышы менән Ғанаҫоҫтан булғандар нәҫеленән – бер йөҙ егерме һигеҙ кеше;

²⁸ сығышы менән Бейт-Ғазмауыҫтан булғандар нәҫеленән – ҡырҡ ике кеше;

²⁹ сығышы менән Ҡыръяҫ-Еғарим, Кефира һәм Беероҫтан булғандар нәҫеленән – ете йөҙ ҡырҡ өс кеше;

³⁰ сығышы менән Рама һәм Гевағтан булғандар нәҫеленән – алты йөҙ егерме бер кеше;

³¹ сығышы менән Михмастан булғандар нәҫеленән – бер йөҙ егерме ике кеше;

³² сығышы менән Бейт-Ил һәм Ғайҙан булғандар нәҫеленән – бер йөҙ егерме өс кеше;

³³ сығышы менән Икенсе Невонан булғандар нәҫеленән – илле ике кеше;

³⁴ сығышы менән башҡа Ғеламдан булғандар нәҫеленән – бер мең ике йөҙ илле дүрт кеше;

³⁵ Харим нәҫеленән – өс йөҙ егерме кеше;

³⁶ сығышы менән Йерихонан булғандар нәҫеленән – өс йөҙ ҡырҡ биш кеше;

³⁷ сығышы менән Лод, Хадид һәм Ононан булғандар нәҫеленән – ете йөҙ егерме бер кеше;

³⁸ Сенаа нәҫеленән – өс мең туғыҙ йөҙ утыҙ кеше.

³⁹ Ҡаһиндар: Йешуағ нәҫеле Йедағъяһ тармағынан – туғыҙ йөҙ етмеш өс кеше;

⁴⁰ Иммер нәҫеленән – бер мең илле ике кеше;

⁴¹ Пашхур нәҫеленән – бер мең ике йөҙ ҡырҡ ете кеше;

⁴² Харим нәҫеленән – бер мең ун ете кеше.

⁴³ Левиҙәр: Йешуағ нәҫеленән (Һодауъяһ нәҫеленән Ҡадмиил тармағы) – етмеш дүрт кеше.

⁴⁴ Ҡорам йырсылары: Асаф нәҫеленән – бер йөҙ ҡырҡ һигеҙ кеше.

⁴⁵ Ҡапҡа һаҡсылары: Шаллум, Атер, Талмон, Ғаҡҡув, Хатита һәм Шовай нәҫелдәренән бер йөҙ утыҙ һигеҙ кеше.

⁴⁶ Ҡорам хеҙмәтселәре: Сиха нәҫеле, Хасуфа нәҫеле, Таббағоҫ нәҫеле,

⁴⁷ Ҡирос нәҫеле, Сиға нәҫеле, Падон нәҫеле,

⁴⁸ Левана нәҫеле, Хагава нәҫеле, Шалмай нәҫеле,

⁴⁹ Ханан нәҫеле, Гиддел нәҫеле, Гахар нәҫеле,

⁵⁰ Реаяһ нәҫеле, Ресин нәҫеле, Неҡода нәҫеле;

⁵¹ Газзам нәҫеле, Ғузза нәҫеле, Пасеах нәҫеле,

⁵² Бесай нәҫеле, Меғуним нәҫеле, Нефушесим нәҫеле,

⁵³ Бакбук нәҫеле, Хаҡуфа нәҫеле, Хархур нәҫеле,

⁵⁴ Баслиҫ нәҫеле, Мехида нәҫеле, Харша нәҫеле,

⁵⁵ Барҡос нәҫеле, Сисера нәҫеле, Темах нәҫеле,

⁵⁶ Нәсиах нәҫеле, Хатифа нәҫеле.

⁵⁷ Сөләймәндең хеҙмәтселәренең нәҫелдәре: Сотай нәҫеле, Софәрәҫ нәҫеле, Перида нәҫеле,

⁵⁸ Яғла нәҫеле, Дарҡон нәҫеле, Гиддел нәҫеле,

⁵⁹ Шефатъяһ нәҫеле, Хаттил нәҫеле, Похәрәҫ-Һассеваим нәҫеле, Амон нәҫеле.

⁶⁰ Ҡорам хеҙмәтселәре менән Сөләймәндең хеҙмәтселәренең нәҫел-нәсәптәренән – барлығы өс йөҙ туҡһан ике кеше.

⁶¹ Сығышы буйынса Тел-Мелах, Тел-Харша, Керув, Аддон һәм Иммерҙән булған, әммә нәҫелдәре Исраилдан башланғанын иҫбатлай алмаған кешеләр:

⁶² Делаяһ, Товияһ, Неҡода нәҫелдәренән – алты йөҙ ҡырҡ ике кеше.

⁶³ Ҡаһиндарҙан: Ховаяһ нәҫеле, Һаҡҡос нәҫеле, Барзиллай нәҫеле. Барзиллай Ғилғәдтә йәшәгән Барзиллай ҡыҙҙарының береһенә өйләнә лә уның исеме менән йөрөй башлаған була.

⁶⁴ Улар үҙҙәренең нәҫел исемлектәрен эҙләп ҡараны, әммә таба алмағанлыҡтан, ҡаһинлыҡтан төшөп ҡалдылар.

⁶⁵ Өлкә башлығы уларға: «Урим һәм туммим менән эш иткән ҡаһин килеп хәл иткәнгә тиклем һеҙ Аллаға килтерелгән изгеләрҙән-изге саҙаҡаларҙан ашай алмайһығыҙ», – тине.

⁶⁶ Йәмғиәттә бөтәһе ҡырҡ ике мең өс йөҙ алтмыш кеше иҫәпләнде.

⁶⁷ Был иҫәпкә уларҙың ете мең өс йөҙ утыҙ ете кешенән торған ир һәм ҡатын-ҡыҙ хеҙмәтселәре, ике йөҙ ҡырҡ биш ир һәм ҡатын-ҡыҙ йырсы инмәй.

⁶⁸ Уларҙың ете йөҙ утыҙ алты аты, ике йөҙ ҡырҡ биш ҡасыры,

⁶⁹ дүрт йөҙ утыҙ биш дөйәһе, алты мең ете йөҙ егерме ишәге бар ине.

⁷⁰ Ҡайһы бер нәҫел башлыҡтары төҙөлөш эштәренә үҙ өлөшөн индерҙе. Өлкә башлығы бер мең драхма алтын, илле сеүәтә, ҡаһиндарға биш йөҙ утыҙ кейем бирҙе.

⁷¹ Нәҫел башлыҡтарының ҡайһы берҙәре төҙөлөш эштәре өсөн тәғәйенләнгән хазина һаҡлағысҡа егерме мең драхма алтын, ике мең ике йөҙ мина көмөш бирҙе.

⁷² Ҡалған халыҡ егерме мең драхма алтын, ике мең мина көмөш, алтмыш ете ҡаһин кейеме бирҙе.

⁷³ Шулай итеп, бөтә исраилдар – ҡаһиндар, левиҙәр, ҡапҡа һаҡсылары, йырсылар, ҡорам хеҙмәтселәре, ябай халыҡ үҙ ҡалаларында йәшәй башланы.