І Йылъяҙма 8 - Изге Яҙма

Бинйәминдең шәжәрәһе

¹ Бинйәминдең баш балаһы – Белағ, икенсеһе – Ашбел, өсөнсөһө – Ахрах,

² дүртенсеһе – Ноха, бишенсеһе Рафа исемле була.

³ Белағтың улдары: Аддар, Гера, Авиһуд,

⁴ Авишуағ, Нағаман, Ахоах,

⁵ Гера, Шефуфан һәм Хурам.

^6-7 Эхудтың улдары, Гевағта йәшәгән һәм Манахаҫҡа һөрөлгән нәҫелдәрҙең башлыҡтары: Нағаман, Ахияһ һәм уларҙы күсергән Гера. Гера – Ғузза менән Ахихудтың атаһы.

^8-9 Шахараим Моав ерендә йәшәгәндә ҡатындары Хушим менән Бағараны айырып ебәрә. Бынан һуң уның Ходеш исемле ҡатыны Йовавты, Сивъяны, Мешаны, Малкамды,

¹⁰ Йеғусты, Сахъяһты, Мирманы табып бирә. Уның был улдары нәҫел башлыҡтары булып китә.

¹¹ Шахараимдың Хушим тапҡан Авитув менән Әлпәғәл исемле улдары ла була.

¹² Әлпәғәлдең улдары: Ғевәр, Мишғам, Шемед – ул Оно менән Лод ҡалаларын һәм уның тирәһендәге ауылдарҙы төҙөй,

¹³ шулай уҡ Бериға һәм Шемағ. Был икәүһе Айялонда йәшәгән нәҫелдәрҙең башлығы була. Улар Ғаҫ халҡын ҡыуып ебәрә.

¹⁴ Ахйо, Шашаҡ, Йәремоҫ,

¹⁵ Зевадъяһ, Ғарад, Ғедәр,

¹⁶ Михаил, Йишпа һәм Йоха – Бериғаның улдары.

¹⁷ Зевадъяһ, Мешуллам, Хизҡи, Хәвәр,

¹⁸ Йишмерай, Йизлиа, Йовав – Әлпәғәлдең улдары.

¹⁹ Яҡим, Зихри, Завди,

²⁰ Әлиғынай, Силлеҫай, Әлиил,

²¹ Ғадаяһ, Бераяһ һәм Шимраҫ – Шимғиҙең улдары.

²² Йишпан, Ғевәр, Әлиил,

²³ Ғавдон, Зихри, Ханан,

²⁴ Хананъяһ, Ғелам, Ғантоҫияһ,

²⁵ Йифдеяһ һәм Пенуил – Шашаҡ улдары.

²⁶ Шамшерай, Шехаръяһ, Ғаҫалъяһ,

²⁷ Яғарешъяһ, Элияһ, Зихри – Йерохам улдары.

²⁸ Шәжәрәләренән күренгәнсә, улар һәммәһе нәҫел башлыҡтары була. Йәрүсәлимдә йәшәйҙәр.

Шаул батшаның нәҫеле

²⁹ Ғивғондың атаһы Йеғиил Ғивғонда йәшәй һәм ҡатынының исеме Мағаха була.

³⁰ Йеғиилдың баш балаһы – Ғавдон, башҡалары Сур, Ҡиш, Бәғел, Надав,

³¹ Гедор, Ахйо, Зәхәр

³² һәм Миҡлоҫ. Миҡлоҫ – Шимеаның атаһы. Улар ағай-энеһе менән бергә ҡәрҙәштәре эргәһендә Йәрүсәлимдә йәшәй.

³³ Нерҙың улы – Ҡиш, Ҡиштың улы – Шаул, Шаулдың улдары – Йонаҫан, Малкишуағ, Авинадав һәм Әшбәғел.

³⁴ Йонаҫандың улы – Мерив-Бәғел, Мерив-Бәғелдең улы – Миха.

³⁵ Миханың улдары: Пиҫон, Мәләх, Тареағ һәм Ахаз.

³⁶ Ахаздың Йеһоғадда исемле улы тыуа. Йеһоғадданың – Ғәләмәҫ, Ғазмауыҫ, Зимри, Зимриҙең Моса тигән улдары донъяға килә.

³⁷ Моса – Бинғаның атаһы. Бинға – Рафаның, Рафа – Әлғасаның, Әлғаса – Аселдең атаһы.

³⁸ Аселдең Ғазриҡам, Бохру, Исмәғил, Шеғаръяһ, Ғовадъяһ, Ханан исемле алты улы була. Былар бөтәһе лә – Аселдең улдары.

³⁹ Уның ҡустыһы Ғешәктең баш балаһы – Улам, икенсеһе – Йеғуш, өсөнсөһө Әлифәләт исемле.

⁴⁰ Улам улдары ҡаһарман яугирҙәр, мәргән уҡсылар була, уларҙың улдары һәм ейәндәре бик ишле булып, барлығы йөҙ илле йәнгә етә. Улар барыһы ла – бинйәминдәр.