І Йылъяҙма 2 - Изге Яҙма

Исраилдың улдары

¹ Исраилдың улдары: Рәүвән, Шимғон, Леви, Йәһүҙә, Исасхар, Зевулун,

² Дан, Йософ, Бинйәмин, Нафтали, Ғад һәм Ашер.

Йәһүҙә нәҫеле

³ Йәһүҙәнең улдары: Ғер, Онан һәм Шела. Был өсәү ҡәнғәни Шуағтың ҡыҙынан донъяға килә. Йәһүҙәнең баш балаһы Ғер Раббы хуш күрмәгән ғәмәлдәр ҡыла, шуға күрә Раббы уның йәнен ала.

⁴ Йәһүҙәнән килене Тамар Пәрәс менән Зерахты таба. Йәһүҙәнең бөтәһе биш улы була.

⁵ Пәрәстең улдары: Хесрон һәм Хамул.

⁶ Зерахтың улдары бишәү: Зимри, Эҫан, Һеман, Калкол һәм Дарағ.

⁷ Кармиҙың улы Ғахар, харам ҡылынырға тейешле әйберҙәрҙең бер нисәһен алып, Исраилға ҡаза килтергән кеше.

⁸ Эҫан – Ғазаръяһтың атаһы.

⁹ Йерахмеил, Рам һәм Калев – Хесрондың улдары.

¹⁰ Рам – Ғамминадавтың, Ғамминадав Йәһүҙә ырыуы башлығы Нахшондың атаһы була.

¹¹ Нахшондан – Салма, Салманан Боғаз донъяға килә.

¹² Боғаздан – Ғовед, Ғоведтан Ишай тыуа.

¹³ Ишайҙың баш балаһы – Әлиав, икенсе улы – Авинадав, өсөнсөһө – Шимға,

¹⁴ дүртенсеһе – Неҫанил, бишенсеһе – Раддай,

¹⁵ алтынсыһы – Осем, етенсеһе Дауыт була.

¹⁶ Уларҙың Серуяһ менән Авигаил исемле ҡыҙ туғандары ла була. Серуяһтың Авишай, Йоав һәм Ғасаһил исемле өс улы тыуа.

¹⁷ Авигаил Исмәғил ҡәүеменән Йәҫәр тигән кешегә тормошҡа сыға һәм уларҙың Ғамаса тигән улы тыуа.

¹⁸ Хесрон улы Калевтың ҡатыны Ғазуванан Йериғот тигән ҡыҙы тыуа. Ә Йериғоттың улдары Йешәр, Шовав һәм Ардон.

¹⁹ Ғазува мәрхүм булғас, Калев Әфраҫҡа өйләнә. Әфраҫ уға Хурҙы табып бирә.

²⁰ Хурҙан – Ури, Уриҙан Бесалил тыуа.

²¹ Һуңыраҡ алтмыш йәшлек Хесрон Ғилғәдтең атаһы Махирҙың ҡыҙына өйләнә. Был ҡатыны уға Сегувты табып бирә.

²² Сегувтан Яир тыуа. Яирҙың Ғилғәд ерендә егерме өс ҡалаһы була.

²³ Әммә гешуриҙар менән арамиҙар Яир ауылдарын, шулай уҡ Ҡынаҫты, уның тирәһендәге ауылдарҙы – барлығы алтмыш ҡаланы тартып ала. Был ерҙәрҙә йәшәгән халыҡтың барыһы ла Ғилғәдтең атаһы Махирҙың нәҫелдәре була.

²⁴ Хесрон Калев-Әфраҫа ҡалаһында донъя ҡуя, шунан һуң ҡатыны Авия Ашхурҙы таба. Был Ашхур Теҡоғаның атаһы була.

²⁵ Хесрондың баш балаһы Йерахмеилдың улдары: баш балаһы Рам, унан – Буна, Өрән, Осем һәм Ахияһ.

²⁶ Йерахмеилдың Ғатара исемле икенсе ҡатыны ла була, Ғатаранан Онам донъяға килә.

²⁷ Йерахмеилдың баш балаһы Рамдың улдары: Мағас, Ямин һәм Ғеҡәр.

²⁸ Онамдың улдары: Шаммай менән Ядағ. Шаммайҙың улдары: Надав менән Авишур.

²⁹ Авишурҙың ҡатыны Авиһаил уға Ахбан менән Молид исемле улдар табып бирә.

³⁰ Надавтың улдары: Сәләд менән Аппаим. Сәләд бала ҡалдырмай мәрхүм була.

³¹ Аппаимдың улы – Ишғи, Ишғиҙең улы – Шешан, Шешандың улы – Ахлай.

³² Шаммайҙың ҡустыһы Ядағтың улдары: Йәҫәр һәм Йонаҫан. Йәҫәр нәҫел ҡалдырмай мәрхүм була.

³³ Йонаҫандың улдары: Пәләҫ менән Заза. Былар – Йерахмеил нәҫелдәре.

³⁴ Шешандың улдары булмай, унан тик ҡыҙҙар тыуа. Шешандың Ярхағ исемле мысыр ҡоло була.

³⁵ Шешан Ярхағты үҙенең ҡыҙына өйләндерә. Уларҙың Ғаттай исемле улдары тыуа.

³⁶ Ғаттайҙан – Наҫан, Наҫандан – Завад,

³⁷ Завадтан – Әфлал, Әфлалдан – Ғовед,

³⁸ Ғоведтан – Йеһу, Йеһуҙан – Ғазаръяһ,

³⁹ Ғазаръяһтан – Хәләс, Хәләстән – Әлғаса,

⁴⁰ Әлғасанан – Сисмай, Сисмайҙан – Шаллум,

⁴¹ Шаллумдан – Йеҡамъяһ, Йеҡамъяһтан Әлишамағ тыуа.

⁴² Йерахмеилдың ҡустыһы Калевтың нәҫеле: баш балаһы Мешағ – ул Зифтың атаһы; һәм Хеврондың атаһы Марешаның нәҫелдәре.

⁴³ Хеврондың улдары: Ҡорах, Таппуах, Рәҡәм һәм Шемағ.

⁴⁴ Шемағтың улы – Рахам, Рахамдың улы – Йорҡоғам, Рәҡәмдең улы – Шаммай,

⁴⁵ Шаммайҙың улы – Мағон, ә Мағон – Бейт-Сурҙың атаһы.

⁴⁶ Калевтың Ғефа исемле йәриәһе Харан, Моса һәм Газез тигән улдар таба. Харандың Газез исемле улы тыуа.

⁴⁷ Яһдайҙың улдары: Рәгәм, Йоҫам, Гешан, Пәләт, Ғефа, Шағаф.

⁴⁸ Калевтың Мағаха исемле йәриәһе уға Шәвәр менән Тирхананы табып бирә.

⁴⁹ Ул шулай уҡ Мадманнаның атаһы Шағафтың, Махбена менән Гивғаның атаһы Шеуаның да әсәһе була. Калевтың Ғахса исемле ҡыҙы ла тыуа.

⁵⁰ Былар – Калев нәҫелдәре. Әфраҫтың баш балаһы Хурҙың улдары: Ҡыръяҫ-Еғаримдың атаһы Шовал,

⁵¹ Бейт-Ләхәмдең атаһы Салма, Бейт-Ғадерҙың атаһы Хареф.

⁵² Ҡыръяҫ-Еғаримдың атаһы Шовалдың улдары: Һарое, Хаси-Һамменухоҫ.

⁵³ Ҡыръяҫ-Еғарим нәҫелдәре – йитриҙәр, пуҫиҙар, шумаҫиҙар, мишрағиҙар. Уларҙан сорғалар һәм әштәолдар тарала.

⁵⁴ Салманан таралған халыҡтар – Бейт-Ләхәм, Нетофа, Ғатроҫ-Бейт-Йоав, манахаҫтарҙың яртыһы – сорғалар.

⁵⁵ Яғбеста йәшәгән кәтип эшен башҡарыусыларҙың нәҫелдәре: тирғаҫиҙар, шимғаҫиҙар, сухаҫиҙар – былары Бейт-Рехав ҡалаһына нигеҙ һалған Хаммаҫтан таралған ҡыниҙар була.