Ғөзәйер 2 - Изге Яҙма

Һөргөндән ҡайтҡандарҙың исемлеге

¹ Бына өлкәнең Бабил батшаһы Навуходоносор Бабилға алып киткән һәм әле һөргөн әсирлегенән Йәрүсәлимгә һәм Йәһүҙәгә, һәр береһе үҙ ҡалаһына әйләнеп ҡайтҡан кешеләре.

² Уларҙы Зеруббавел, Йешуағ, Нөхәмияһ, Сераяһ, Реғелаяһ, Мордехай, Билшан, Миспәр, Бигуай, Рехум һәм Бағана алып килде. Бына ул исраилдарҙың исемлеге:

³ Парғош нәҫеленән – ике мең йөҙ етмеш ике кеше;

⁴ Шефатъяһ нәҫеленән – өс йөҙ етмеш ике кеше;

⁵ Арах нәҫеленән – ете йөҙ етмеш биш кеше;

⁶ Пахаҫ-Моав нәҫеленән Йешуағ менән Йоав тармағы – ике мең һигеҙ йөҙ ун ике кеше;

⁷ Ғелам нәҫеленән – бер мең ике йөҙ илле дүрт кеше;

⁸ Затту нәҫеленән – туғыҙ йөҙ ҡырҡ биш кеше;

⁹ Заккай нәҫеленән – ете йөҙ алтмыш кеше;

¹⁰ Бани нәҫеленән – алты йөҙ ҡырҡ ике кеше;

¹¹ Бевай нәҫеленән – алты йөҙ егерме өс кеше;

¹² Ғазгад нәҫеленән – бер мең ике йөҙ егерме ике кеше;

¹³ Адониҡам нәҫеленән – алты йөҙ алтмыш алты кеше;

¹⁴ Бигуай нәҫеленән – ике мең илле алты кеше;

¹⁵ Ғадин нәҫеленән – дүрт йөҙ илле дүрт кеше;

¹⁶ Атер нәҫеле Хизкияһ тармағынан – туҡһан һигеҙ кеше;

¹⁷ Бесай нәҫеленән – өс йөҙ егерме өс кеше;

¹⁸ Йора нәҫеленән – бер йөҙ ун ике кеше;

¹⁹ Хашум нәҫеленән – ике йөҙ егерме өс кеше;

²⁰ Гиббар нәҫеленән – туҡһан биш кеше.

²¹ Сығышы менән Бейт-Ләхәмдән булғандар нәҫеленән – бер йөҙ егерме өс кеше;

²² сығышы менән Нетофанан булғандар нәҫеленән – илле алты кеше;

²³ сығышы менән Ғанаҫоҫтан булғандар нәҫеленән – бер йөҙ егерме һигеҙ кеше;

²⁴ сығышы менән Ғазмауыҫтан булғандар нәҫеленән – ҡырҡ ике кеше;

²⁵ сығышы менән Ҡыръяҫ-Еғарим, Кефира һәм Беероҫтан булғандар нәҫеленән – ете йөҙ ҡырҡ өс кеше;

²⁶ сығышы менән Рама һәм Гевағтан булғандар нәҫеленән – алты йөҙ егерме бер кеше;

²⁷ сығышы менән Михмастан булғандар нәҫеленән – бер йөҙ егерме ике кеше;

²⁸ сығышы менән Бейт-Ил һәм Ғайҙан булғандар нәҫеленән – ике йөҙ егерме өс кеше;

²⁹ сығышы менән Невонан булғандар нәҫеленән – илле ике кеше;

³⁰ сығышы менән Магбиштан булғандар нәҫеленән – бер йөҙ илле алты кеше;

³¹ сығышы менән башҡа Ғеламдан булғандар нәҫеленән – бер мең ике йөҙ илле дүрт кеше;

³² Харим нәҫеленән – өс йөҙ егерме кеше;

³³ сығышы менән Лод, Хадид һәм Ононан булғандар нәҫеленән – ете йөҙ егерме биш кеше;

³⁴ сығышы менән Йерихонан булғандар нәҫеленән – өс йөҙ ҡырҡ биш кеше;

³⁵ Сенаа нәҫеленән – өс мең алты йөҙ утыҙ кеше.

³⁶ Ҡаһиндар: Йешуағ нәҫеле Йедағъяһ тармағынан – туғыҙ йөҙ етмеш өс кеше;

³⁷ Иммер нәҫеленән – бер мең илле ике кеше;

³⁸ Пашхур нәҫеленән – бер мең ике йөҙ ҡырҡ ете кеше;

³⁹ Харим нәҫеленән – бер мең ун ете кеше.

⁴⁰ Левиҙәр: Һодауъяһ нәҫеле Йешуағ менән Ҡадмиил тармағынан – етмеш дүрт кеше.

⁴¹ Ҡорам йырсылары: Асаф нәҫеленән – бер йөҙ егерме һигеҙ кеше.

⁴² Ҡапҡа һаҡсылары: Шаллум, Атер, Талмон, Ғаҡҡув, Хатита һәм Шовай нәҫелдәренән – барлығы бер йөҙ утыҙ туғыҙ кеше.

⁴³ Ҡорам хеҙмәтселәре: Сиха нәҫеле, Хасуфа нәҫеле, Таббағоҫ нәҫеле,

⁴⁴ Ҡирос нәҫеле, Сиғаһа нәҫеле, Падон нәҫеле,

⁴⁵ Левана нәҫеле, Хагава нәҫеле, Ғаҡҡув нәҫеле,

⁴⁶ Хагав нәҫеле, Шалмай нәҫеле, Ханан нәҫеле,

⁴⁷ Гиддел нәҫеле, Гахар нәҫеле, Реаяһ нәҫеле,

⁴⁸ Ресин нәҫеле, Неҡода нәҫеле, Газзам нәҫеле,

⁴⁹ Ғузза нәҫеле, Пасеах нәҫеле, Бесай нәҫеле,

⁵⁰ Асна нәҫеле, Меғуним нәҫеле, Нефусим нәҫеле,

⁵¹ Бакбук нәҫеле, Хаҡуфа нәҫеле, Хархур нәҫеле,

⁵² Баслуҫ нәҫеле, Мехида нәҫеле, Харша нәҫеле,

⁵³ Барҡос нәҫеле, Сисера нәҫеле, Темах нәҫеле,

⁵⁴ Нәсиах нәҫеле, Хатифа нәҫеле.

⁵⁵ Сөләймәндең хеҙмәтселәренең нәҫелдәре: Сотай нәҫеле, Софәрәҫ нәҫеле, Перуда нәҫеле,

⁵⁶ Яғла нәҫеле, Дарҡон нәҫеле, Гиддел нәҫеле,

⁵⁷ Шефатъяһ нәҫеле, Хаттил нәҫеле, Похәрәҫ-Һассеваим нәҫеле, Ами нәҫеле.

⁵⁸ Ҡорам хеҙмәтселәре менән Сөләймәндең хеҙмәтселәренең нәҫел-нәсәптәренән – барлығы өс йөҙ туҡһан ике кеше.

⁵⁹ Сығышы буйынса Тел-Мелах, Тел-Харша, Керув, Аддан һәм Иммерҙән булған, әммә нәҫелдәре Исраилдан башланғанын иҫбатлай алмаған кешеләр:

⁶⁰ Делаяһ, Товияһ һәм Неҡода нәҫелдәренән – алты йөҙ илле ике кеше.

⁶¹ Ҡаһиндар нәҫеленән: Ховаяһ нәҫеле, Һаҡҡос нәҫеле, Барзиллай нәҫеле. Барзиллай Ғилғәдтә йәшәгән Барзиллай ҡыҙҙарының береһенә өйләнә лә уның исеме менән йөрөй башлаған була.

⁶² Улар үҙҙәренең нәҫел исемлектәрен эҙләп ҡараны, әммә, таба алмағанлыҡтан, ҡаһинлыҡтан төшөп ҡалдылар.

⁶³ Өлкә башлығы уларға: «Урим һәм туммим менән эш иткән ҡаһин килеп хәл иткәнгә тиклем һеҙ Аллаға килтерелгән изгеләрҙән-изге саҙаҡаларҙан ашай алмайһығыҙ», – тине.

⁶⁴ Йәмғиәттә бөтәһе ҡырҡ ике мең өс йөҙ алтмыш кеше иҫәпләнде.

⁶⁵ Был иҫәпкә уларҙың ете мең өс йөҙ утыҙ ете кешенән торған ир һәм ҡатын-ҡыҙ хеҙмәтселәре, ике йөҙ ир һәм ҡатын-ҡыҙ йырсы инмәй.

⁶⁶ Уларҙың ете йөҙ утыҙ алты аты, ике йөҙ ҡырҡ биш ҡасыры,

⁶⁷ дүрт йөҙ утыҙ биш дөйәһе, алты мең ете йөҙ егерме ишәге бар ине.

⁶⁸ Йәрүсәлимдәге Раббы йортона килгәс, ҡайһы бер нәҫел башлыҡтары Алла йортон нигеҙенән тергеҙеү өсөн хәйер-саҙаҡа бирҙе.

⁶⁹ Үҙҙәренең мөмкинлегенә ҡарап, улар йыйылған хазинаға төҙөлөш өсөн алтмыш бер мең драхма алтын, биш мең мина көмөш, ҡаһиндар өсөн йөҙ ҡат кейем бирҙе.

⁷⁰ Ҡаһиндар, левиҙәр, халыҡтың бер өлөшө, ҡорам йырсылары, ҡапҡа һаҡсылары, ҡорам хеҙмәтселәре үҙ ҡалаларында төйәкләнде. Исраилдың ҡалған бөтә халҡы үҙ ҡалаларында йәшәй башланы.