Башланмыш 36 - Изге Яҙма

Ғаяздың нәҫеле

¹ Бына Ғаяздың, йәғни Эдомдың нәҫел шәжәрәһе.

² Ғаяз Ҡәнғән ҡыҙҙарынан ике ҡатын ала – хитти Элондың ҡыҙы Ғадаға, хиууи Сивғондың улы Ғананан тыуған Оһоливамаға,

³ – шулай уҡ Исмәғилдең ҡыҙы, Невайоҫтың һеңлеһе Басмаҫҡа өйләнә.

⁴ Ғаяздың ҡатындарының Ғада исемлеһенән Әлифаз, Басмаҫтан – Реғуил,

⁵ Оһоливаманан Йеғуш, Яғлам һәм Ҡорах исемле улдары тыуа. Был Ғаяздың Ҡәнғәндә тыуған улдары.

⁶ Ғаяз ҡатындарын, улдары һәм ҡыҙҙарын, янындағы бөтә кешеләрен, барлыҡ мал-тыуарын, Ҡәнғәндә тапҡан-таянған һәммә байлығын алды ла, ҡустыһы Яҡупты ҡалдырып, икенсе илгә күсте.

⁷ Байлыҡтары артҡандан-арта барып, уларға бергә йәшәүе тығыҙ була башлағайны: урынлашҡан ерҙәре мал-тыуарҙарына етмәне.

⁸ Ғаяз – Эдом – Сеғир тауҙары янында урынлашты.

⁹ Бына ул Сеғир тауҙары янында йәшәгән Эдом халҡының тәүатаһы Ғаяздың нәҫел шәжәрәһе.

¹⁰ Ғаяздың улдары: Әлифаз – Ғаяздың ҡатыны Ғаданан тыуған улы, Реғуил – Ғаяздың Басмаҫтан тыуған улы.

¹¹ Әлифаздың улдары: Теман, Омар, Сефо, Ғағтам һәм Ҡыназ.

¹² Тимнағ, Әлифаздың йәриәһе, уға Ғәмәлек исемле ул тапты. Был – Ғаяздың ҡатыны Ғаданан таралған нәҫел-нәсәбе.

¹³ Реғуилдың улдары: Нахаҫ, Зерах, Шамма һәм Мизза. Был – Ғаяздың Басмаҫтан таралған нәҫел-нәсәбе.

¹⁴ Сивғондың улы Ғананың ҡыҙы Оһоливаманан Ғаяздың Йеғуш, Яғлам һәм Ҡорах исемле улдары тыуҙы.

¹⁵ Бына Ғаяздың нәҫел-нәсәбе тармаҡтары. Ғаяздың баш балаһы Әлифаздың нәҫел-нәсәбе: Теман тармағы, Омар тармағы, Сефо тармағы, Ҡыназ тармағы;

¹⁶ Ҡорах тармағы, Ғағтам тармағы, Ғәмәлек тармағы. Был – Әлифаздан таралған тармаҡтар, Ғаданың нәҫел-нәсәбе, улар Эдом ерендә йәшәй.

¹⁷ Ғаяздың улы Реғуилдың нәҫел-нәсәбе: Нахаҫ тармағы, Зерах тармағы, Шамма тармағы, Мизза тармағы. Былар – Реғуилдан таралған тармаҡтар, Ғаяздың Басмаҫтан тыуған балаларының нәҫел-нәсәбе, улар ҙа Эдом ерендә йәшәй.

¹⁸ Ғаяздың Оһоливаманан тыуған балаларының нәҫел-нәсәбе: Йеғуш тармағы, Яғлам тармағы һәм Ҡорах тармағы. Былар – Ғаяздың ҡатыны, Ғананың ҡыҙы Оһоливаманан тыуған балаларҙан таралған тармаҡтар.

¹⁹ Ғаяздың (уның икенсе исеме Эдом) нәҫел-нәсәбе һәм уларҙан таралған тармаҡтар бына ошо.

Сеғирҙың нәҫеле

²⁰ Ошо илдә йәшәгән хори Сеғирҙең улдары: Лотан, Шовал, Сивғон, Ғана,

²¹ Дишон, Эсәр һәм Дишан. Былар – Эдом илендә йәшәгән Сеғир нәҫел-нәсәбенең хориҙар тармағы.

²² Лотандың улдары: Хори һәм Һемам. Лотандың һеңлеһе Тимнағ ине.

²³ Шовалдың улдары: Ғалуан, Манахаҫ, Ғевал, Шефо һәм Онам.

²⁴ Сивғондың улдары: Айяһ һәм Ғана. Атаһы Сивғондың ишәктәрен көтөп йөрөгәндә сүлдә ҡайнар һыулы инештәр тапҡан кеше ул Ғана.

²⁵ Ғананың балалары: Дишон һәм Ғананың ҡыҙы Оһоливама.

²⁶ Дишондың улдары: Хәмдан, Әшбан, Иҫран һәм Керан.

²⁷ Эсәрҙең улдары: Билһан, Зағауан һәм Ғаҡан.

²⁸ Дишандың улдары: Ғус менән Аран.

²⁹ Хориҙарҙың тармаҡтары түбәндәгесә: Лотан тармағы, Шовал тармағы, Сивғон тармағы, Ғанаһ тармағы,

³⁰ Дишон тармағы, Эсәр тармағы һәм Дишан тармағы. Былар – Сеғирҙа йәшәгән хори халҡы тармаҡтары.

Эдом батшалары

³¹ Былар – исраилдарҙа батшалар барлыҡҡа килгәнгә тиклем Эдомда хакимлыҡ иткән батшалар:

³² Беғор улы Белағ. Уның ҡалаһы Динһава тип атала.

³³ Белағ донъя ҡуйғас, Босранан Зерахтың улы Йовав тәхеткә ултыра.

³⁴ Йовав мәрхүм булғас, Теман иленән Хушам батша була.

³⁵ Хушам вафат булғандан һуң, Моав тигеҙлегендә мидйәндәрҙе тар-мар иткән Бедад улы Һадад батшалыҡ итә, уның ҡалаһы Ғауиҫ тип атала.

³⁶ Һадад үлгәс, уның урынына Масреҡанан Самла батша була.

³⁷ Самла үлгәс, уның урынына йылға буйындағы Реховоҫтан Шаул батша була.

³⁸ Шаул үлгәс, уның урынына тәхеткә Ғахбор улы Бәғел-Ханан батша булып ултыра.

³⁹ Ғахбор улы Бәғел-Ханан үлгәс, уның урынына тәхеткә Һадар ултыра. Уның ҡалаһы Пағу, ҡатынының исеме – Меһетавил. Меһетавил – Матредтың ҡыҙы, Мезаһавтың ейәнсәре була.

⁴⁰ Ғаяздан булған тармаҡтарҙың нәҫел-нәсәбенә һәм йәшәгән ерҙәренә күрә исемдәре бына былар: Тимнағ, Ғалуа, Йеҫеҫ,

⁴¹ Оһоливама, Эла, Пинон,

⁴² Ҡыназ, Теман, Мивсар,

⁴³ Магдиил, Ғирам. Эдомда йәшәгән тармаҡтар һәм илдә улар йәшәгән урындар бына шулар. Эдом халҡының тәүатаһы – Ғаяз.