Yoobu 25 - Bibeli Gusunɔn Gari

Gusunɔ u dɑm mɔ ɡɑ̃ɑnu kpuron wɔllɔ

¹ Bilidɑ Suɑɡii u Yoobu wisɑ u nɛɛ,

² Gusunɔn dɑm mu nɑsiɑru turɑ. U rɑ de bɔri yɛndu tɑ n wɑ̃ɑ sere wɔllun sɔɔ sɔɔwɔ.

³ Win tɑbu durɔbu bɑ ǹ ɡeeru mɔ. U rɑ de win yɑm bururɑm mu sɔ̃ɔsirɑ tɔmbu kpuron mi.

⁴ Tɔnu kun kpɛ̃ u n ɡem mɔ Gusunɔn wuswɑɑɔ. Wi bɑ mɑrɑ ɡesi, u ǹ kpɛ̃ u n dɛɛre Gusunɔn wuswɑɑɔ.

⁵ Domi bɑɑ suru u ǹ dɛɛre win wuswɑɑɔ. Mɛyɑ mɑɑ kperi kun buriri win wuswɑɑɔ,

⁶ kɑɑ sere ɡere tɔnu wi u sɑ̃ɑ nɡe kɔkɔbu?