Womusu 81 - Bibeli Gusunɔn Gari

¹ Womu ɡe Asɑfu u wom kowobun wiruɡii kuɑ kɑ mɔrɔku. Ge wee.

² Yinni Gusunɔwɑ u sɑ̃ɑ bɛsɛn dɑm. I nùn womu kuo kɑ nuku dobu. I Gusunɔ Yɑkɔbun Yinni tɑkɑru koowo kɑ nuku dobu.

³ I womusu koowo. I ɡɑ̃ɑsu kɑ mɔrɔkunu kɑ ɡɔ̃ɔɡenu soowo.

⁴ I kɔbɑ soowo suru kpɑon tɔ̃ɔ bɑkɑru sɔɔ. I kɔbɑ wureo Kunun tɔ̃ɔ bɑkɑru sɔɔ suru ù n tɑrum kuɑ.

⁵ Domi woodɑ yerɑ Yɑkɔbun Yinni u Isirelibɑ wɛ̃.

⁶ Woodɑ yerɑ u Yosɛfun yɛnuɡibu wɛ̃ sɑnɑm mɛ u Eɡibiti wɔri. Mɑ nɑ nɔɔ ɡɑɡu nuɑ ɡe nɑ ǹ tubɑ. Gɑ nɛɛ,

⁷ nɑ bɛɛ sɔmunu swɛnyɑ bɛɛn senun di, nɑ derɑ i yoo sɔmɑ deri.

⁸ Sɑnɑm mɛ i wɑ̃ɑ nɔni swɑ̃ɑru sɔɔ, i mɑn sokɑ, mɑ nɑ bɛɛ yɑkiɑ. Nɑ bɛɛ wisɑ ɡuru mɑɑkinu sɔɔ. Nɑ bɛɛn lɑɑkɑri mɛɛrɑ Mɛribɑn bwiɑɔ.

⁹ Bɛɛ nɛn tɔmbu Isirelibɑ, i mɑn swɑɑ dɑkio i nɔ ye kon bɛɛ sɔ̃.

¹⁰ I ku de bũu ɡoo u n mɑɑ wɑ̃ɑ bɛɛn suunu sɔɔ. I ku mɑɑ nu yiirɑ i sɑ̃.

¹¹ Nɛnɑ Gusunɔ bɛɛn Yinni wi u bɛɛ yɑrɑ Eɡibitin di. I bɛɛn nɔɔ wukio kpɑ n bɛɛ diisiɑ.

¹² Adɑmɑ bɛɛ nɛn tɔmbu, i ǹ mɑn swɑɑ dɑki, i ǹ mɑɑ mɑn mɛm nɔɔwɛ.

¹³ Nɑ derɑ i wɔri bɛɛn ɡɔ̃ru bɔbunu sɔɔ, mɑ i bɛɛn tiin bwisi swĩi.

¹⁴ Bɛɛ nɛn tɔmbu, ì n dɑɑ mɑn swɑɑ dɑki i sĩimɔ nɛn swɑɑ sɔɔ,

¹⁵ kon dɑɑ bɛɛn yibɛrɛbɑ sekuru doke, kpɑ n bu nɑɑ swĩi n ɡo ɡo.

¹⁶ Sɑɑ ye sɔɔrɑ nɛ, Yinni Gusunɔn yibɛrɛbɑn tii suɑbu koo nɔru ko, kpɑ Isirelibɑn doo nɔɔru tu tɛ.

¹⁷ Kon bu dĩɑ ɡeenu wɛ̃, kpɑ bu kperun tim ɡem di.