Womusu 8 - Bibeli Gusunɔn Gari

¹ Dɑfidin womu ɡe u wom kowobun wiruɡii kuɑ. Ge wee.

² Gusunɔ bɛsɛn Yinni, wunɛn yĩsirɑ kpɑ̃ hɑnduniɑ kpuro sɔɔ, nɑ nun tɔmɑmɔ wunɛn kpɑ̃ɑrun sɔ̃ te tɑ wɔllu ɡunum kere.

³ Bɑɑ bii piiminu kɑ bii wɛ̃ɛnu nu nun siɑrɑmɔ kɑ womusu. Nin womu si, su kuɑ nɡe ɡbɑ̃rɑru. Tɑ wunɛn yibɛrɛbɑ ɡɑnuɑ, ɑ kɑ be bɑ nun seesimɔ kɑmiɑ, ɑ kɑ be bɑ mɔru kɔsiɑmɔ kɑmiɑ.

⁴ Nɑ wɔllun kpɑ̃ɑru mɛɛrɑ te ɑ kuɑ. Nɑ suru kɑ kperi wɑ yi wɑ̃ɑ yin ɑyenɔ.

⁵ Mɑ nɑ bwisikɑ nɑ nɛɛ, mbɑ tɔnu u sɑ̃ɑ ɑ n sere kɑ nùn yɑɑye, wɑrɑ rɑ n tɔnu ɑ n sere kɑ nùn nɔɔrimɔ.

⁶ Wee, ɑ nùn tɑkɑ kuɑ u kɑ nun ɡɛrɛrɛm dɑ. Wee, ɑ nùn yiiko kɑ bɛɛrɛ wɛ̃ nɡe sunɔ.

^7-9 Wee, ɑ nùn kuɑ wiruɡii tɑkɑ koorɑ kpuro sɔɔ. Wiyɑ u kpɑɑku yɛɛ nɔmɑ sikerenɛ. Wiyɑ u ɡbeeku yɛɛ nɔmɑ sikerenɛ. Wiyɑ u ɡunɔsu nɔmɑ sikerenɛ. Wiyɑ u swɛ̃ɛ nɔmɑ sikerenɛ, kɑ hunde konibɑ kpuro nim sɔɔ.

¹⁰ Gusunɔ bɛsɛn Yinni, wunɛn yĩsirɑ kpɑ̃ hɑnduniɑ kpuro sɔɔ.