Womusu 70 - Bibeli Gusunɔn Gari

¹ Dɑfidin womu ɡe u kuɑ u kɑ Gusunɔ yɑɑyɑ. Ge wee.

² Yinni Gusunɔ, ɑ nɑ fuuku ɑ mɑn wɔrɑ. A ku tɛ ɑ kɑ mɑn fɑɑbɑ ko.

³ A de be bɑ kɑsu bu mɑn ɡo bu burisinɑ kpɑ bu sekuru wɑ. A de be bɑ kɑsu n kɑm ko bu sekuru wɑ kpɑ bu biruku yirɑ wurɑ.

⁴ A de be bɑ mɑn yɛ̃ɛmɔ mi, bu biru wurɑ seku ten sɔ̃.

⁵ A de be bɑ nun kɑsu bɑ n wɑ̃ɑ nuku dobu sɔɔ. Kpɑ bɑ n yɛ̃ɛrimɔ wunɛ sɔɔ. A de be bɑ mɑɑ wunɛn fɑɑbɑ kĩ bɑ n kpɑrɑmɔ sɑɑ kpuro mɑ ɑ kpɑ̃.

⁶ Gusunɔ, nɑ sɑ̃ɑwɑ sɑ̃ɑro kɑ wɔnwɔndo. Yen sɔ̃, ɑ nɑ nɛn bɔkuɔ fuuku. Domi wunɑ ɑ rɑ mɑn somi kpɑ ɑ mɑn wɔrɑ. Yinni Gusunɔ, ɑ ku tɛ.