Womusu 48 - Bibeli Gusunɔn Gari

¹ Womu ɡe Koren bibu bɑ kuɑ. Ge wee.

² Yinni Gusunɔ, ɑ kpɑ̃, yen sɔ̃nɑ n weenɛ bu nun tɔmɑ bɑɑmɑ, wunɛn wuuɔ kɑ wunɛn ɡuu dɛɛrɑ ten wɔllɔ te bɑ mɔ̀ Siɔni.

³ Tɑ yɔ̃ burɑm burɑm tɔnɑ. Wi u tu mɛɛrɑ kpɑ u n nuku dobu mɔ̀ ten burɑm sɔ̃. Guu ten sɔ̃ɔ yɛ̃sɑn nɔm ɡeu ɡiɑ, sinɑ bokon sinɑ kpɑɑrɑ mi.

⁴ Yinni Gusunɔ, wunɛn sinɑ kpɑɑru sɔɔ, ɑ rɑ sun sɔ̃ɔsiwɑ mɑ ɑ sɑ̃ɑ bɛsɛn kuku yeru kɑ ɡem.

⁵ Domi wee, sinɑmbu bɑ mɛnnɑ, bɑ nɔɔ tiɑ kuɑ bu kɑ Siɔni wɔri.

^6-7 Adɑmɑ ye bɑ nun wɑ, miyɑ bɛrum bu mwɑ, bɑ wururɑ nɡe tɔn kurɔ wi mɑrubun wɑhɑlɑ yɑ nɛnuɑ sɑnɑm mɛ u yiire. Yerɑ bɑ nɑndɑ bɑ duki suɑ.

⁸ Bɑ fukurɑ bɑ wɔrukɑ nɡe ɡoo nimkuu ɡe sɔ̃ɔ yɑri yerun woo ɡɑ fukɑ.

⁹ Ye sɑ nɔɔmɔ bɑ ɡerumɔ, sɑ ye wɑ Gusunɔ, wɔllu kɑ tem Yinnin wuuɔ. Sɑ ye wɑ Gusunɔ bɛsɛn Yinnin wuuɔ. Wiyɑ u koo de wuu ɡe, ɡɑ n wɑ̃ɑ sere kɑ bɑɑdommɑɔ.

¹⁰ Gusunɔ, sɑ wunɛn durom bwisikunu mɔ̀ wunɛn sɑ̃ɑ yee ten mi.

¹¹ Nɡe mɛ ɑ yĩsiru yɑrɑ, nɡe mɛyɑ bɑ koo nun tɔmɑ hɑnduniɑn ɡoonu nnɛ sɔɔ. Domi ɑ rɑ tɔmbu kpɑre ɡem sɔɔ.

¹² Be bɑ wɑ̃ɑ Siɔnin ɡuurɔ, bɑ nuku dobu mɔ̀. Yudɑn tɔmbu bɑ yɛ̃ɛrimɔ wunɛn siri bi ɑ kuɑn sɔ̃.

¹³ I sĩiyɔ i kɑ Siɔni sikerenɑ. I yen kɔ̃su yenu ɡɑrio.

¹⁴ I yen ɡbɑ̃rɑ te mɛɛrio, kpɑ i yen sinɑ kpɑɑnu mɛɛri i rɑ kɑ bɛɛn bibu yen fɑɑɡi kuɑ,

¹⁵ i nɛɛ, Yinni Gusunɔwɑ u sɑ̃ɑ bɛsɛn Yinni sere kɑ bɑɑdommɑɔ. Wiyɑ u koo mɑɑ sun kpɑrɑ sere kɑ bɛsɛn ɡɔɔn tɔ̃rɔ.