Womusu 47 - Bibeli Gusunɔn Gari

¹ Womu ɡe Koren bibu bɑ wom kowobun wiruɡii kuɑ. Ge wee.

² Bɛɛ hɑnduniɑn bwesenu, i tɑki koowo, kpɑ i kuuki ko kɑ nuku dobu Yinni Gusunɔn mi.

³ Domi u sɑ̃ɑwɑ Yinni Wɔrukoo wi u nɑnum mɔ. U sɑ̃ɑwɑ sinɑ boko tem kpuro sɔɔ,

⁴ wi u rɑ de su bwesenu ɡɑnu tɛɛsi, kpɑ sɑ n nu tɑɑre.

⁵ Wiyɑ u sun bɛsɛn tem ɡɔsiɑ, mɑ sɑ yen woo kɑnɑmɔ, bɛsɛ Yɑkɔbun bweseru te wi, Yinni u kĩ.

⁶ Gusunɔ u yɔɔmɔ Siɔniɔ, mɑ bɑ nɑsɑrɑn tɑki mɔ̀. U ɡbiɑ u dɔɔ, mɑ bɑ kɔbɑ soomɔ.

⁷ I Gusunɔ womu kuo, i Gusunɔ womu kuo. I Yinni, sinɑ boko siɑro kɑ womu.

⁸ Domi wiyɑ u sɑ̃ɑ hɑnduniɑ kpuron sunɔ. I nùn womu kuo.

⁹ Wiyɑ u bɑndu dii bwesenu kpuro sɔɔ, mɑ u sɔ̃ win sinɑ ɡɔni dɛɛrɑ sɔɔ.

¹⁰ Bwese tukunun sinɑ bibɑ mɛnnɑmɔ kɑ Gusunɔ Aburɑhɑmun Yinnin tɔmbu. Domi wiyɑ u kɑ be bɑ tem kɔ̃su wɑ̃ɑ. Wiyɑ u kpuro kere.