Womusu 124 - Bibeli Gusunɔn Gari

¹ Sɑ̃ɑ dɑɑrun womu ɡe Dɑfidi u kuɑ. U nɛɛ, Gusunɔ Isirelibɑn Yinni ù kun dɑɑ kɑ sun wɑ̃ɑ, wɑrɑ u koo sun kɔ̃su. Isirelibɑ bu wureo bu ɡere bu nɛɛ,

^2-4 sɑnɑm mɛ tɔn kɔ̃sobun mɔru yɑ seewɑ, mɑ bɑ sun seesi, Yinni Gusunɔ ù kun dɑɑ kɑ sun wɑ̃ɑ, bɑ koo sun mwɛ wɑsiru, kpɑ bu sun wukiri nɡe nim mɛ mu kokumɔ dɑɑ torɑɔ.

⁵ Nim kure dɑmɡinɑ nu koo sun tɑɑre.

⁶ Sɑ Yinni Gusunɔ siɑrɑ, domi u ǹ dere bɛsɛn yibɛrɛbɑ bu sun nɔɔ bɛri.

⁷ U derɑ bɛsɛn hunde yɑ kisirɑ sɑɑ tɑɑn di nɡe ɡunɔ. Tɑɑ yɑ kɑsikirɑ mɑ sɑ yɑrɑ.

⁸ Yinni Gusunɔwɑ u sɑ̃ɑ bɛsɛn fɑɑbɑ kowo. Wiyɑ u wɔllu kɑ tem tɑkɑ kuɑ.