Womusu 121 - Bibeli Gusunɔn Gari

¹ Sɑ̃ɑ dɑɑrun womu. Ge wee. Nɑ nɛn nɔni sue ɡuunu ɡiɑ. Mɑn diyɑ kon somiru wɑ.

² Nɛn somirɑ weewɑ sɑɑ Yinni Gusunɔn min di wi u wɔllu kɑ tem tɑkɑ kuɑ.

³ U ǹ derimɔ wunɛn nɑɑsu su sokurɑ. Wi u nun kɔ̃su, u ǹ dom yĩbirimɔ.

⁴ Wee wi u Isirelibɑ kɔ̃su u ku rɑ dom yĩbiri, u ku rɑ mɑɑ dweeye.

⁵ Yinni Gusunɔ u sɑ̃ɑwɑ wunɛn kɔ̃so. U wɑ̃ɑ wunɛn nɔn ɡeuɔ u nun sɑɑru sɑ̃ɑwɛ.

⁶ Sɔ̃ɔ sɔɔ, sɔ̃ɔ kun nun soomɔ. Wɔ̃kuru, suru tɑrum kun mɑɑ nun soomɔ.

⁷ Yinni Gusunɔ u koo nun bere ɡɑ̃ɑ kɔ̃sunu kpuron di. U koo wunɛn hunde kɔ̃su,

⁸ kpɑ u nun kpɑrɑ wunɛn dɑɑru kɑ weru sɑɑ tɛ̃n di sere kɑ bɑɑdommɑɔ.