Womusu 120 - Bibeli Gusunɔn Gari

¹ Sɑ̃ɑ dɑɑrun womu. Ge wee. Sɑnɑm mɛ nɑ wɑ̃ɑ nuku sɑnkirɑnu sɔɔ, nɑ Yinni Gusunɔ sokɑ, mɑ u mɑn wurɑri.

² Yinni Gusunɔ, ɑ mɑn wɔro wee kowobun nɔmɑn di. A mɑn yɑkio be bɑ tɔmbu nɔni wɔ̃kumɔn nɔmɑn di.

³ Mbɑ weesu koo kɑ bu nɑɑwɑ,

⁴ mɑ n kun mɔ tɑbu sɛ̃ɛnu kɑ dɔ̃ɔ bokon ɡɛ̃ɛ.

⁵ Wee nɑ kuɑ kɑm koore, nɑ wɑ̃ɑ Mɛsɛkiɔ Kedɑnin kuu bekuruɡirɔ.

⁶ Nɑ sɔ̃ n tɛ kɑ be bɑ ku rɑ bɔri yɛndu kɑ̃.

⁷ Nɑ̀ n bɔri yɛndun ɡɑri ɡerubu toruɑ, bɑ rɑ n tɑbun sɔɔru mɔ̀wɑ.