Womusu 111 - Bibeli Gusunɔn Gari

¹ I Yinni Gusunɔ siɑro. Kon Yinni Gusunɔ siɑrɑ kɑ nɛn ɡɔ̃ru kpuro. Kon nùn siɑrɑ tɔn dɛɛrobun suunu sɔɔ.

² Yinni Gusunɔn nɔmɑn sɔmɑ yɑ kpɑ̃. Mɑ be bɑ ye kĩ bɑ kɑsu bu ye ɡiɑ.

³ Ye u kuɑ yɑ rɑ n ɡirimɑ kɑ bɛɛrɛ mɔwɑ. Win ɡem mu rɑ n wɑ̃ɑwɑ sere kɑ bɑɑdommɑɔ.

⁴ U rɑ de su win sɔm mɑɑmɑɑkiɡinu yɑɑyɑ. Yinni Gusunɔ u sɑ̃ɑwɑ duromɡii kɑ wɔnwɔnduɡii.

⁵ U rɑ be bɑ nùn nɑsie dĩɑnu wɛ̃, kpɑ u win ɑrukɑwɑni yɑɑyɑ.

⁶ U win tɔmbu win sɔm mɑɑmɑɑkiɡinun dɑm sɔ̃ɔsi ni u kɑ bu tɔn tukobun tem wɛ̃.

⁷ Win sɔm mɑɑmɑɑkiɡii ni, nu sɑ̃ɑwɑ ɡem mɑm mɑm. Win woodɑbɑ bɑ mɑɑ nɑɑnɛ mɔ.

⁸ Yɑ ko n sirerewɑ sere kɑ bɑɑdommɑɔ, domi bɑ ye kuɑwɑ ɡem sɔɔ mɑm mɑm.

⁹ U derɑ bɑ win tɔmbu yɑkiɑ. Mɑ u kɑ bu ɑrukɑwɑni bɔkuɑ sere kɑ bɑɑdommɑɔ. Win yĩsiru tɑ dɛɛre, tɑ mɑɑ nɑnum mɔ.

¹⁰ À n kĩ ɑ ko bwisiɡii, ɑ de ɑ ɡinɑ Gusunɔ nɑsiɑ. Be bɑ bwisi mɔ, beyɑ bɑ rɑ yirɑ ye swĩi. Win bɛɛrɛ yɑ ko n wɑ̃ɑwɑ sere kɑ bɑɑdommɑɔ.