Womusu 11 - Bibeli Gusunɔn Gari1 Womu ɡe Dɑfidi u wom kowobun wiruɡii kuɑ. Ge wee. Yinni Gusunɔ u sɑ̃ɑwɑ nɛn kɑ̀rì. Yen sɔ̃, i ku mɑɑ nɛɛ, n yɔ̃ɔwɔ nɡe ɡunɔ n dɑ n kuke ɡuunɔ. 2 Wee tɔn kɔ̃so u win tɛndu bɛri, u win sɛ̃u sɔri u kɑ tɑɑrɛ sɑriruɡii to yɑm wɔ̃kuru sɔɔ. 3 Sɑnɑm mɛ duniɑ kpuro sɑnkirɑ, mbɑ ɡemɡii u koo mɑɑ kpĩ u ko. 4 Adɑmɑ i n yɛ̃ mɑ Yinni Gusunɔ u wɑ̃ɑ win sɑ̃ɑ yee dɛɛrɑrɔ, mɑ u win sinɑ ɡɔnɑ swĩi wɔllɔ. 5 U rɑ tɔn kɔ̃so kɑ mɑɑ tɔn ɡeon dɑɑ wɛ̃ɛri, kpɑ u n dɑm diobu tusɑ. 6 Ben ɑre wee. U rɑ bu sɛɛyɑsie kɑ dɔ̃ɔ kɑ sɔ̃ɔ bisu kɑ woo bɔkɔ. 7 Adɑmɑ u rɑ ɡemɡii dɑm koosie, domi win tii u sɑ̃ɑwɑ ɡemɡii, u rɑ mɑɑ dɑɑ ɡeɑ kɑ̃. |
Bariba Bible © UEEB/SIM au Benin, 1996.