रोमि 10 - बान्तावा राई1 ब़ब़, नाना खोन्कि निछाचि ओ, अ़ङ्को अ़ङ्साकोङ्वादाओ अ़ङ्मित्मा खोन्कि इस्राएलिचिओ निम्पाङ निनाम्हाङ्एदा अ़ङ्यामात्मा ओङा ओ, मोचि म़लेन्ने। 2 देकिनालो अ़ङ्का मोचिओ अ़चुतुक्वादा सालुम्स़ङ प़मा ऱनानिन, निनाम्हाङ्एदा मोचि अ़चुराक्स़रि ना म़मुयाङ, मेन मो राक अ़नुछ्याओ अ़चुतायावा अ़मुनिनिन। 3 देकिनालो निनाम्हाङ्दाङ्का ताओ साम्योक्मिओ अ़तुक्वादा मान्सिन्अ़दा खोन्कि मोचिआ आप्पिओ अ़चुकाचिआ अ़नुवाक लिमा म़लामा। मोवात्नि मोचि निनाम्हाङ्एदा प़मान्चिन म़छुन्ता। 4 देकिनालो झारा साकोङ्छ़ङ कामु साम्योक्मि म़कान्ने निकिना ख्रिस्तआ य़ङ्हुप अ़तासाला। 5 य़ङ्हुप्वात्नि च़माकि साम्योक्मि लिमाओ निम्पाङ निनाम्हाङ्य़ङ खाकालु मोसाआ छाप्तुङु, “खाक्को म़नाआ ओ काचिचि मुचि, खो मोचि लाम्पाङा ह़ङ।” 6 मेन साकोङ्छ़ङ्लाम्पाओ साम्योक्मि ओवात्नि य़ङ, “आम्मिन्मादा मान्य़ङ्दा (ख्रिस्त ह्युना धान्सि) निनाम्मादु साङ वाङ? 7 माङ्लो (म़सुवादाओचिदाङ्का ख्रिस्त धाना लोत्सि) सित्म़ङ युङ्खायु साङ धा?” 8 मेन ओसोओ अ़य़ङ्खान ओङा ओ, “निनाम्हाङ्ओ अ़चुय़ङ आम्च़क्दाङा, आम्दोदाङा खोन्कि आम्साकोङ्वादाङा याक्याङ।” मो सोम्कुवाओ अ़तुक्वादाओ य़ङ्खान आन्कान्का खालुसुम्का। 9 मो खाना “येसु अ़ङ्हाङ्पा”नि य़ङ्सा आम्दोआ त़लोउ खोन्कि निनाम्हाङ्आ खोक्को म़सुवादाओदाङ्का अ़खोन्तालोइसा निकिना आम्साकोङ्वादा साकोङ्छ़ङ त़मुनालो खाना ऩलेन। 10 देकिनालो म़नाआ अ़साकोङ्वाआ साकोङ्छ़ङ मु, खोन्कि मो खोप्लो कान, खोन्कि खोसाआ अ़दोआ लोउ खोन्कि मो अ़लेन। 11 देकिनालो साम्कालिन य़ङ्याङ, “खोक्कोएदा साकोङ्छ़ङ कामु साङ्छाङ लेजोदा अ़छुक्निन।” 12 यहुदि खोन्कि ग्रिक अ़क्तात्ओसा, खोक्को झारासोओ अ़क्तात अ़चुहाङ्पा म़युङ्याङ। खोन्कि खोक्को काबुक झारा च़लोक आसिखा म़प़चि। 13 देकिनालो साम्कालिन य़ङ्याङ, “झारा साङ्आ हाङ्पाओ अ़चुऩङ बुउ, खो निनाम्हाङ्आ अ़लेन।” 14 मेन खोक्को साकोङ्छ़ङ मान्मुअ़युक, खोक्को म़नाचिआ देत्नि अ़बुक? खोन्कि खोक्कोसोओ अ़चुतुक्वादा देम्खाछाङ मान्एन्अ़युक, खोक्को मोचिआ देत्नि साकोङ्छ़ङ अ़मु? खोन्कि खाकालु मात्द़ङ, मोचिआ देत्नि अ़एन? 15 खोन्कि मोचि मान्खान्माङ्तारि मोचिआ देत्नि नुय़ङ्खान खालुमा? ओवात्नि छाप्याङ, “नुय़ङ्खान खाकालुचिओ अ़चुलाङ्चि देम खान्नुओ!” 16 मेन झारा इस्राएलिचिआ नुय़ङ्खान मान्लोक्अ़दा, देकिनालो निनाम्हाङ्य़ङ खाकालु यसैया य़ङ्याङ, “हाङ्पो, आन्कान्काएदाङ्का अ़एनाओ य़ङ साङ्आ साकोङ्छ़ङ मुयुङ्सु कि?” 17 मोवात्निङा, य़ङ्खान एन्माय़ङ्दाङ्का साकोङ्छ़ङ ता, खोन्कि य़ङ्खान ख्रिस्तओ अ़चुय़ङ एन्मादाङ्का ता। 18 मेन अ़ङ्का खासेन्ङा, दि मोचिआ मान्एन्अ़युक? अ़नुछ्याङा मोचिआ अ़एनायुङ्सा, देकिनालो “मोचिओ अ़चुय़ङ्चि झारा हेन्खामादा तालायुङ्सा, खोन्कि मोचिओ अ़चुय़ङ्खान्आ हेन्खामा भेप्तायुङ्सा।” 19 अ़ङ्का लाङाखासेन्ङा, दि इस्राएलि म़नाचिआ मान्तुप्अ़दा? माआङ, मोचिआ अ़तुप्ता। निनाम्हाङ्य़ङ खाकालु मोसा य़ङ, “खाक्को अ़क्तात रावाङा माआङ, अ़ङ्का खानानिन मो म़नाचिदाङ्का ऩङ्च़ मुमेत्तुङ्च़ङ, अ़क्तात खामान्सिन रावालाम्पा अ़ङ्का खानानिन आम्नुओ च़ऱपाकात्लो मुमेत्तुङ्च़ङ।” 20 खोन्किना, यसैया राक्एनान य़ङ, “अ़ङ्का मान्लाम्कादाचिआ अ़ङ्का ऩधिराङ्युङ्साङ, साङ्चिआ अ़ङ्का मान्लाम्ऩदाङ, मोचिएदा अ़ङ्का आप्पि खाङ्मुसाङ्युङ्साङ्च़ङ।” 21 मेन इस्राएल्ओ अ़तुक्वादा यसैया म़य़ङ्याङ, “नाम्प़क्लोङा नामान्ल़क खोन्कि फित्चि कामु म़नाचि अ़ङ्काएदा म़ताने निकिना अ़ङ्छुक फेयाङ्सा हुङुङ्युङ्सुङ्च़ङ।” |
© Wycliffe Bible Translators, Inc. All rights reserved.
Wycliffe Bible Translators, Inc.