Jenɛɛsë 10 - Kuö Dëdrä Jenɛɛsë Rutë

NOEA 'JÜA 'JÜA WII 10.1–11.9

¹ ‑Jäsɩ Noea 'jüa 'jüa wii nʋa' ‑sisidɛɛ. 'Nʋŋlʋkpaku ‑sia' nɩ, Noea 'jü Sɛmë, Samë nyra Jafɛtë nya ‑gu nyɩbɛjü.

² Jafɛtëa nyɩbɛjüa 'nyrɩ bä: Gomɛɛ, Magɔgë, Madaii, Jafaan, Tubaalë, Mesaakë, nyra Tilasë.

³ Gomɛɛa nyɩbɛjü bä: Asökenasë, Lifatë, nyra Togamaa.

⁴ Jafaan a nyɩbɛjü bä: Elisaa, Tasisë, Kitimë, nyra Dodanimë.

⁵ 'A 'ɔa 'jüa 'jü 'üü mi 'üü kɔkɔ 'nie ‑gba nyra dugbë 'lɩ. 'Sɩrɩ 'ü 'paaa' watu 'doo 'asɩ 'ü kɔkɔwälɩ, 'üa ‑glügbü ‑glügbü nyra 'üa 'blɩa 'mlɩ.

⁶ Samëa nyɩbɛjü bä: Kusë, Misrayiimë, Putë, nyra Kanaan.

⁷ Kusëa nyɩbɛjü bä: Seba, Avila, Sabëta, Wlama, nyra Sabëteka. Wlamaa nyɩbɛjü bä: Saba nyra Dedanë.

⁸ Kusëlɔ ‑gu bɩa Nimroodë. 'Ɔɔ ‑kätɩ bä kaklanyɔɔ ‑tʋtʋ ‑gälɩ.

⁹ Yawea 'klɩ 'ɔ bä 'kɔpanyɔɔ kpakö. 'A 'ia ‑gʋ nyüü ma nö: «'Ɔ ‑beere 'kɔpanyɔɔ Nimroodë, 'kɔpanyɔɔ kpakö Yawea 'klɩ.»

¹⁰ 'Bätëlë kpakülü ‑kätɩ 'ɔ 'kamaa' 'üü bä: Babɛlë, Ɛlɛkë, Akadë nyra Kalënɛ. Sinarëa 'blɩ ‑gälɩ bätëlëa 'fɩɔ bä.

¹¹ 'Ii 'ɔ sɔ nya 'tɔ Asiriia 'bre. 'Ɔnya 'pala 'lɩ bätëlë 'ü 'daraa': Niniivë, Reobutëirë, Kalasë,

¹² nyra Rɛsɛnë. 'Ä bä Niniivë nyra Kalaa ‑tɔrʋpɩɔ; 'ää bä bätä kpakö.

¹³ Misrayiimë ‑gu: Dudënyüü, Anamënyüü, Leabënyüü, Nafëtunyüü,

¹⁴ Patëlɔsönyüü, Kasëlunyüü, nyra Kafëtɔnyüü. 'A Kasëlunyüülü 'üü ‑gu Filisëtënyüü.

¹⁵ Kanaan nya ‑gu Sidɔɔn 'ɔa ‑kätɩjʋ nyra Ɛtë.

¹⁶ 'Ɔ ‑gu bɩa nyüülü 'ü 'daraa' Jebusitënyüü, Amɔritënyüü, Gegasitënyüü,

¹⁷ Iviitënyüü, Alëkiinyüü, Siniinyüü,

¹⁸ Afadiinyüü, Semaliinyüü, nyra Amaanyüü. 'I ‑sia' nɩ, Kanaanyüüa ‑glügbü nya ‑gbakä.

¹⁹ Kanaanyüüa 'brea ‑panʋ sɔrɔ Sidɔɔnbätä ä bäa' Gelaabätäa ‑gba ‑a ‑tɔɔ Gasabätä, 'kä 'u mö Sodɔɔmëbätä nyra Gomɔɔrëbätäa 'pɛlɩ, Adëmaabätä nyra Seboimëbätä, 'kä 'u 'tɔ Lesabätä.

²⁰ 'A Samëa jüa ‑glügbü ‑glügbü. 'Sɩrɩ ‑glügbü bäbäa', 'sɩrɩ 'ü 'paaa' watu 'doo, 'sɩrɩ 'ü sɔsɔa' 'blɩ 'doo ‑gälɩ ‑bɛ 'sɩrɩ 'ü käkäa' 'bre, 'asɩ 'ü nʋ 'ünya kɔkɔwälɩ.

²¹ Jafɛtëa ‑wlajʋ kpakö Sɛmë ‑gu bɩa nyɩbɛjü. 'Ɔɔ bä Ebɛɛrënyüüa 'fɩɔa tʋ.

²² Sɛmëa nyɩbɛjüa 'nyrɩ bä: Elaamë, Asurö, Arëpasadë, Ludö, nyra Aramë.

²³ Aramëa nyɩbɛjüa 'nyrɩ bä: Utësë, Ulö, Gɛtɛɛ, nyra Masë.

²⁴ Arëpasadë ‑gu Sala; Sala ‑gu Ebɛɛrë.

²⁵ Ebɛɛrë ‑gu nyɩbɛjü 'sɔɔ. ‑Kätɩ 'jʋa 'nyrɩ bä Pɛlɛgë, 'be 'ɔa 'taɩn 'lɩ ‑tʋtʋ ‑päälä kä. 'Ɔa ‑wlajʋa 'nyrɩ bä Jɔtanë.

²⁶ Jɔtanë nya ‑gu Amodadë, Selafë, Asamafë, Jɛla,

²⁷ Adolamë, Usalë, Dikla,

²⁸ Obalë, Abimaɛɛlë, Seba,

²⁹ Ofilë, Avilaa, nyra Yobabë. 'Üa 'fɩɔlü nɩ, Jɔtanëa 'jü bäsaa.

³⁰ 'Üü ma kʋ Mesaa ‑tʋtʋ ‑gälɩ, Sefaa ‑gba, ‑nyɛɛ 'dʋgbëa ‑tʋtʋ ‑gälɩ, 'jrʋa 'wʋsɔrɔfa 'wʋa 'pɛlɩ.

³¹ ‑Jäsɩ Sɛmëa 'jü nʋa' ‑päälädɛɛ. 'Sɩrɩ ‑gbüüü bäbäa', 'sɩrɩ 'ü 'paaa' watu 'doo, 'sɩrɩ 'ü sɔsɔa' 'blɩ 'doo ‑gälɩ ‑bɛ 'sɩrɩ 'ü käkäa' 'bre 'doo, 'asɩ 'ü nʋ 'ünya kɔkɔwälɩ.

³² ‑Jäsɩ Noea 'jü nʋa' ‑päälädɛɛ; 'üa ‑glügbü, ‑glügbü, ü käa' 'bre 'doo. 'Nʋŋlʋkpakua sɔa' 'lɩ, 'üü ‑gälɩ 'plä 'bala ‑tʋtʋ ‑gälɩa 'kägbaalakʋ.