Kolɔɔsënyüü 4 - Kuö Dëdrä Jenɛɛsë Rutë1 'Amɔ 'kamanyüü 'amɩ, 'ba 'kpla 'ana ‑goou 'cɩcasa ‑bɛ abɩa 'cɩcasa bä 'ana ‑tɔrʋpɩɔ. 'Ba jresaa 'a kälä bɩa 'Kamanyɔɔ cɛ 'lɩ. ‑Tɔɔɔ 2 'Anyɩ 'nyüglö nyɔsʋabibiekʋa ‑gʋ. 'Ba ‑tre 'imɩ, 'kä 'a 'trɛɛ Nyɔsʋa. 3 'Ama bibie Nyɔsʋa nɩ, 'ba bibie dotro ana 'wli 'lɩ, Nyɔsʋa 'mä amɩ 'nyʋfɔ ‑nyɩ wiili ‑sisiea' 'Kriisëa ‑gälɩ, amä 'iin 'lɩsa. 'A ‑gogoläa ‑gʋ 'n bä ‑jie 'lɩ. 4 'Ii känyrɩ, 'ba bibie 'mä 'äa 'sasakʋ jre. 5 'Ba kä 'cɩcagbi nyüülü 'nyɩa' Nyɔsʋa jrea 'klɩ. Wii o wii 'tɔrɔa' 'amɩ 'klɩ, 'ba nʋ dotro dɛɛlɛ 'a nëmäa' nʋ. 6 Abɩa Nyɔsʋaa ‑gbinanakʋ nyra 'cɩcawii 'si 'taɩn a 'fɩɔ 'lɩ 'ana mlɩ, 'amä nyüüa ‑gälɩ 'sasakʋ jre. 'Pɔɔlëa ‑gälɩblörötɔ nyra 'trɔrʋ 7 Wiili kä 'fɩɔ käläa' 'mɩ ‑gba nɩ, Tikiikë nya 'amɩ 'iin ‑gbalaa. Ana ‑wawawlajʋ 'ɔ bä ‑bɛ 'ɔ bä 'tasɩrɩ 'jrʋpafɛnyɔɔ. A nyra 'ɔɔn kɔsɔ ‑fɛɛɛrɛ 'jrʋpa 'wʋ 'Pläkänyɔɔ 'lɩ. 8 'Ɔɔ 'n blɔ 'ana ‑nyɛɛ 'ɔmä 'ana ‑gogo 'jä ‑bɛ 'ɔmä 'amɩ 'klülɩpa. 9 'Ɔɔ ‑bɛ Onɛsiimë 'n blɔ, ana ‑wawawlajʋ, ana plɛtoronyɔɔ, 'ɔnya bä bɩa 'ana nyɔɔ. 'Ünya 'amɩ wiili kä 'fɩɔ ‑sröröa' ‑tɛ ‑gbalaa. 10 Alisëtaakë, ɔ 'nyraa 'ɔɔn kɔsɔ bäa' ‑jie 'lɩ 'trɛɛ 'amɩ. Banabasëa ‑wlajʋ Marëkë 'trɛɛ bɩa 'amɩ. Ɔma ji 'ana ‑nyɛɛ 'ba 'kpla 'ɔɔn 'mʋfasa 'sɩrɩ 'n ‑gbalaa' 'amɩ. 11 Jesulɔ 'ü 'daraa' Jusëtusë 'trɛɛ bɩa 'amɩ. 'A nyüülü bäa' juifënyüü ü kä 'doo 'nyraa 'üün ‑fɛɛɛa' Nyɔsʋaa 'kamapläa 'jrʋpa, 'üü ‑nyɩ 'mɩ 'klü. 12 'Ana nyɔɔ Epafarasë 'trɛɛ 'amɩ. 'Ɔɔlɔ nɩ Jesu 'Kriisëa ‑geei 'ɔ bä, 'ɔnyɩ 'nyüglö 'ana 'wli 'lɩa ‑golufufukʋa ‑gʋ ‑a nyɔsʋabibiekʋ 'lɩ, 'amä 'wʋsɔɔrɔ ‑bɛ 'amä 'tasɩrɩ wiili Nyɔsʋa 'bataa' jre. 13 'N ‑tʋ 'ɔɔn 'nyügba 'sɩrɩ 'ɔ fumö ‑gböösa 'ana ‑gʋ nyra Laodisiibätäa nyüü nyra Yerapoliisëa nüa ‑gʋ. 14 Ana ‑wawa ‑dɔtanyɔɔ Lukë, ‑bɛ Demasë kɔsɔ 'trɛɛ 'amɩ. 15 'Ba 'trɛɛ ‑wlajülü bäa' Laodisii nyra Nifasë ‑bɛ 'cɛcɩnyüülü traraa' 'ɔa nyüköli. 16 'Ama bɩa ‑pɔɔkʋlʋ ‑täsäkʋ nɩ, 'ba fa 'uun 'cɛcɩlɛ bäa' Laodisii 'ümä bɩa 'uun ‑täsä. 'Ana 'mʋgbɛ 'ba ‑täsä bɩa u Laodisii 'mäa' 'amɩ ja. 17 'Ba ‑gbala Akiipë ɔ ‑tʋ 'jrʋpalä 'Pläkänyɔɔ ‑nyɩa' 'ɔɔn 'nyügba, 'ɔmä 'ään 'wlara 'mʋfasa. 18 ‑Jää 'trɔrʋlʋ 'na 'mʋgbɛ bäa' 'Pɔɔlë, 'na wlu ‑jɩjraa' 'n jaa' 'amɩ. 'Ba 'pa plɛ 'sɩrɩ 'n bäa' 'cɩ 'lɩ! Abɩa Nyɔsʋa 'pa 'amɩ 'nɩ! 'Asɩ i bä. |
© Wycliffe Bible Translators, Inc.
Wycliffe Bible Translators, Inc.