Bìoball air-loidhne

ÀPÒKÀLIƁSƐ̀ 15 - Bafia Nouveau Testament

Ɓum ɓɛ titom ɓɛ ɓɛ ɓanɓani mɛ̀tɔɓ mɛ siitòn

¹ Fɔɔnnɛ ǹghɛngà kìrèmzɛnà kidɛŋ aɗyoo, ki ki ɓaghà coo gɛn à kìɓan a ǹkuurakɛn; ɓum ɓɛ titom taàɓɛ̀ɛ̀; ɓɛ ɓanɓàngà mɛ̀tɔɓ taàɓɛ̀ɛ̀, mɛ̀tɔɓ mɛ siitòn. Ɓi mɔ innɛ bim i Bɛ̀ll ì tulii.

² Nni ǹghɛngà di ɓumɓɛ ɓɛ yakà lɛ rì nyàm, rì kìfèèghrɛnà ki yɔ̀, rì bàlì ì ɗii ɗi nyàm ìnɛn. Ɓumɓɛ̀n ɓɛ rɛrɛ̀lìghà ɓi com ki kèleŋ̀ŋ̀ yɛ̀ɛ rìɓày ànɛ à rì ɓɛ̀ŋwii rì ɓɛ̀ŋwii, m̀ɓùtakɛn ɗi ɗuu, ɓɛ ɓanɓàn tìloŋ ti Bɛ̀ll à faghà ɓɔ.

³ Ɓɛ kɛkɛ̀ɛ̀gh lɛ rì fyem fi Moyis ànɛ à rì ǹkìì-kìsay a Bɛ̀ll, rì fi Man à jɔ̀ɔ̀, lɛ Kan Bɛ̀ll à ìtèɗ wucèm, mɛ̀kìkìì mɔɔ mɛ kii lɛ, mɛ teghɛ̀n, mɛ ki ɓa com ki kuurakɛn! Rifòm ɗi ɓilɔ̀ŋ ɓìcèm, bee yɔɔ yi ri lɛ saaɗ, yi ki ɓa ɓɛkɔɔ̀kɔɔ̀ ɓɛ bee.

⁴ Kan ghɛn yɛɛ ri lɛ à rɔ̀ɓ lɛ à risii ɓi ɗii ɗyɔɔ, kɛ̀ɛ ki kemzi ɗyɔ? Ɓisuulɛ, lɔŋ wɔ̀ cɛ̀ncɔɔ yɛɛ ri ǹtɛnɛn. Ɓìlɔ̀ŋ ɓìcèm ɓi ri ɓiì yùu, ɓi ɓag wɔ̀ mɛ̀ɗu asu, lɛ saaɗ wɔ̀ɔ̀ a mɛ rèsɛ̀n.

⁵ Ajɛ̀m ìnɛn nnɛ ǹghɛngà di naà-Bɛ̀ll ì ŋwàrɛɛ aɗyoo; ɓi na-Bɛ̀ll ìnɛn innɛ kìnuugh ki riràrɛ̀n rì Bɛ̀ll ki ri.

⁶ Fɔɔnnɛ ɓum ɓɛ titom ɓɛ kitaàɓɛ̀ɛ̀ ɓɛ ɓɛ ɓanɓàngà kìtaàɓɛ̀ɛ̀ ki mɛtɔɓ, ɓɛ kpagày ɓi na-Bɛ̀ll ìnɛn, ɓɛ ɓaghà ɓɛ̀waatakɛn ɓisyeesyee ɓi ɓilàà ɓi puɓ, ɓi ɓi lonlòmgà ǹlònlomɛn, ɓɛ ŋiràg ɓɛ̀kànɗa ɓɛ gol ɓi ɓìɓon.

⁷ Kìbog ki ɓi nyàm yi kinìn ki falàkà ɓum ɓɛ titom ɓɛ kitaàɓɛ̀ɛ̀ ɓɛ̀ɓeŋ ɓɛ gol, ɓɛ ɓɛ ɓalàkà ɓɛ̀ronɛn ɗi bim i Bɛ̀ll ànɛ à rì fìɗyàɓ fikɔ̀ɔ̀.

⁸ Fɔlɔɔ nnɛ fìsilì fi rongà naà-Bɛ̀ll lɛ rìkem ɗi Bɛ̀ll rì ìtèɗ wii. Mum à ki ɓaghà ɓi lɛ à ɗiŋì ɓi na-Bɛ̀ll ìnɛn, à kpaŋ lɔŋ yɛ̀ɛ mɛ̀tɔɓ mɛ kitaàɓɛ̀ɛ̀ mɛ ɓum ɓɛ titom ɓɛ kitaàɓɛ̀ɛ̀ mɛ ri ɓiì lèegh.

« Roimhe

Air adhart »

Bible Society of Cameroon

Lean sinn:

Ceanglaichean taic

Sanasan