Bìoball air-loidhne

GÀLAT 6 - Bafia Nouveau Testament

Ɓɛ̀gherɛ̀n ɓɛ ghɛɛ̀sɛɛ kì ghɛɛghɛ̀ɓsɛ̀n

¹ Ɓɔɔsoŋ̀, i ɓì sììdii mum di à rì ɓi rìnàn ɗiɗɛŋ, mìniɓɛ ɓì rì rì Kìtɛntɛ̀ɛ̀n ki Nghay, pɛ̀ɛ̀ziina nyi kì rɛsii ɓi syeesyee à bee rì nɗem wu tɛ̀tɛ̀rɛ̀ɛ̀. Ù konàg rì wɛ̀ɛmiɗ lɛ kɔ̀ɔ kɛ̀ɓtɛn girig fìɓàg.

² Gheeghèŋzɛɛna rìtɛ̀g ɗi mɛtɛ̀g mɛ ɓì rì rì mɔ, di fɔɔnnɛ ɓi roòzi kìdɔ̀gsɛna ki Kiris.

³ I mum à terɛɛ nyimiɗ lɛ bimiɗ à mum, kɔlɛ à yin com, di à pwààrɛɛ nyimiɗ.

⁴ Mum ǹcèm à ghɛ̀ɛ̀sɛɛ kì fiɓii rikɛ̀ɛ̀ ɗii, i à rì lɛ à sanɛ̀n, a sanɛn ɓɛɛ̀ nyimiɗ, wɔ̀lɛ kɛ̀ɛ fèèghrɛn ɗi ɓum ɓɛɗɛŋ.

⁵ Ɓisuulɛ mum ncèm à rì ɓiì tɛ̀ɛgh ntɛ̀g wii nyimiɗ.

⁶ Kighɛɛ̀sɛɛ lɛ Ŋwaànɛ ɓɛɛ̀ rèresi jɛ̀ɛ̀ ì Bɛ̀ll a fa roànɛ a rèresi nyi gàɓ ɓi ɓyom ɓii ɓìcèm.

⁷ Kɛ̀ ɓi pwààrɛn mìniìɓɔmiɗ, ɓaà yègsi ɓi Bɛ̀ll, lɔŋ com ki mum à ɓɛ̀li kɛɛ̀ki à rì girig ɓiì ɓùmii.

⁸ Ŋwaànɛ à ɓiì tìŋzii kisay kii ɓi ɓìɓan ɓi ɓyɛɛ kɔ̀ngi mɛmùù, ɓìɓan ɓiǹ ɓi ki lɛ a ɓumi rìwu; wɔ̀lɛ ŋwaànɛ à ɓiì tìŋzii kisay kii ɓi ɓìɓan ɓi ɓyɛɛ̀ kɔ̀ngi Nghay, Nghay à kì lɛ a ɓumi cɛɓ ki fiɗyàɓ fikɔ̀ɔ̀.

⁹ Nni tyɛ̀ ki fwɛy rikì ɗi kirɔɔ, lɛ i tì fɔli ɓi jàŋ ri jàŋ, tì rì ɓiì saŋì mɛ̀saŋ ɓi cààmɛ̀n ki ki ghɛɛ̀sɛɛ.

¹⁰ Fɔlɔɔ nnɛ ki ghɛɛ̀sɛɛ min lɛ cààmɛ̀n kìcèm ki ti ghɛɛ kìrɔŋiɗ, ti ki ɓum ɓɛ̀cèm kìrɔɔ, à ɓiìɓììsɛ̀n ɓɛ̀geni ɓis ɓɛ ɓi rìgherɛ̀n.

Rìsyɔɔ̀dì ɗi kaàtà

¹¹ Ɓì rì lɛ ɓì ghɛn ɓyoo ɓikàngà ɓi nkàniì mìni kaàtà miì mɛ̀ɛmìɗ.

¹² Ɓum ɓɛ̀cèm ɓɛ ɓɛɛ̀ kaakaa lɛ ɓum ɓɛɛ sɛsɛg ɓɔ ɓi ɓìɓan ɓi mɛmùù ɓɛɛ̀ kàŋkaŋ mini lɛ ɓi kɛrɛn; ɓɛɛ̀ ki kìki fɔlɔɔ ri azi lɛ kɛ̀ ɓɛɛ̀ tulɛn ri ǹ-yeesɛ̀n ɓisuu Kɔrɔs à Kiris.

¹³ Lɛ ɓɔmiɗ ɓɛ ɓɛ ri ɓɛ̀n ɓɛ̀kɛ̀rɛn, ɓɛ ti ɓɛ̀ kɛɛ̀ ɓèŋ ɓidɔ̀gsɛna, wɔ̀lɛ ɓɛ ti ɓɛ kɔngì lɛ ɓi kɛrɛn lɛ di ɓɔɔ keŋkem ɓi gòò yìn.

¹⁴ Ɓi san wɛ̀m, ki yin fɔlɔɔ, mɛ̀ ǹ-yin ɗi com kidɛŋ ki lɛ nsaàsànɛ̀n i ki cee ɓi lɛ kɔrɔs à Kan wìs Yeesus Kiris. Lɛ kɔrɔs à Yeesus ànɛ̀n, ziinɛ ì rì kìloŋ ɓi mis mɛ̀m, fɛlɛ yɛ̀ɛ mɛ̀ɛmiɗ ǹɗì kìloŋ ɓimis mɛ ziinɛ.

¹⁵ Rìɓa ɗi lɛ ŋwaà rì ǹkɛ̀rɛn nsoò lɛ à yin nkɛ̀rɛn ɗi yin com, kìɓan ki ki ri bimiɗ à com ki ri lɛ mum a ɓa nyɔɔnyɔn à mum.

¹⁶ Fyòoog à Bɛ̀ll rì nyìinyìg ìnɛ Bɛ̀ll a woki ɓum, ɓyɛɛ ɓa rì ɓum ɓɛ̀cèm ɓɛ ɓɛɛ̀ nɔ̀ɔnɔɔ̀tì ǹsiŋdɛn wiǹ, ɓi ɓa girig ɗì Isirayɛl à kìlɔ̀ŋ ki Bɛ̀ll.

¹⁷ Nni mum kɛ̀ɛ yùti mɛ rì ǹ-yeesɛ̀n ɓisuulɛ doòdoo yi ǹɗì rì yɔ, yɛɛ̀ rèresi lɛ ǹɗì ǹkpàn a Yeesus Kiris.

¹⁸ Ɓɔɔsoŋ̀, geesɛ̀n ì Kan wìs Yeesus Kiris yɛ̀ɛ ɓa rì ǹghay wìn. Ààmɛ̀n.

« Roimhe

Air adhart »

Bible Society of Cameroon

Lean sinn:

Ceanglaichean taic

Sanasan