EBIREEGH 6 - Bafia Nouveau Testament

¹ Kìɓan kiǹ kɛɛ̀ki ti càrina rìrèsì ɗi a rìtumɛ̀n ɗi ɓi kìɓan ki Kiris, ti ɓeg̀mɛn ɓi ɓìɓan ɓi ɓi konaagh kì rɔɔtɛɛ, tyɛ̀ ki sugti tiì rìjɛ̀m ɓi ɓìɓan ɓi a rìyàghɛ̀n ɓi ɓi ri lɛ: Mum à ghɛ̀ɛ̀sɛɛ kì càri ɓiɓan ɓi kɛ̀ɛ̀ ìsu,

² à gherɛ̀n Bɛ̀ll, rì mɛ̀rèsàg mɛ mɛ koŋ̀komi bàɓtis mɛ̀kuu mɛ̀kuu, ɗì rìsaàgh ɗi mum ɓyàg ɓi nyoo lɛ ɓɛɛ maŋ̀ nyi, rì rìghèmɓɛ̀n ɗi ɓiloŋ, rì ɓɛ̀yɔ̀m ɓɛ Bɛ̀ll à ri yɔ̀m ɓum gɛ̀n bog ɓi gɛ̀n yicèm.

³ Kìɓan ki tì rì ɓiì kìi di Bɛ̀ll à gherɛɛ kɛɛ̀kìn.

⁴ Ɓi kìɓan ki ki seesee ɓumɓɛ ɓɛ ghɛngà kìtɛɛtɛn ki Bɛ̀ll cààmɛ̀n kidɛŋ, ɓɛ ɓoɓtì rìfa ɗi Bɛ̀ll, ɓɛ ki teɗti gàɓ ɓi Kìtɛntɛ̀ɛ̀n ki Nghay,

⁵ ɓɛ ɓoɓtì rìyɛ̀y ɗi jɛ̀ɛ̀ ì Bɛ̀ll ɓɛ ki ghɛn mɛtèɗ mɛ ɓi cɛɓ ki ki riì

⁶ ɓɛ ki sugti ki kpìi ɓi kìɓeɓtàg ki cɛɓ, bee inɛ ŋwaà rì lɛ à kì lɛ ɓɛɛ lɔɔ̀ghrɛn tì nɗem ì yiìdi ɓisuulɛ, ɓɔɔ̀ ɓìiɓiìtì kì kpanì Man à Bɛ̀ll ɓi Kɔrɔs aɗyoo, ɓɛ ki sòosoòtì nyi ɓi mis mɛ ɓum.

⁷ Lɛ cààmɛ̀n kìcèm ki zi yɛ̀ɛ nɔnɔ mɛnig di bwey yɛ̀ɛ nɔnɔ miì lɛ fyɛ̀ɗ fyɛ̀ɗ, zi inɛ̀n ì ki fafa ɓyaɓi ɓi ɓi ri rì gɛɓsɛ̀n ɓisuu ɓumɓɛ jàŋ inɛ̀n ì salɛ̀ngà ɓisu waa, zi inɛ̀n ì ti ì tekì ɓɛ̀mààgh yɛ̀ɛ Bɛ̀ll.

⁸ Wɔ̀lɛ i zi inɛ̀n yɛɛ̀ fafa lɛ rì ɓìɓeɓtàg ɓi ɓyaaɓi, rì keŋ, di ì yin syeesyee à zi, ì ki ɓa jàŋbog lɛ yɛ̀ɛ teɗ ǹcɛ̀m, ki ki syɔn lɛ ɓɛɛ tɔǹ yɔ̀.

⁹ Mìni ɓum ɓɛm ɓɛ nɗem, nsoò yɛ̀ɛ ti kpaakpaa lɔɔ, tì konaagh kì yiì lɛ ɓì rɛrɛlii ɓi syeesyee à bee, ànɛ à rì bee ì cɛɓ.

¹⁰ Lɛ Bɛ̀ll à rì Bɛ̀ll à saaɗ, fɔɔnnɛ à yin lɛ à ɗimzɛ̀n kìsay kin, nsoò ǹkɔ̀nɛ̀n ànɛ ɓì rèsìghà nyi ɓi ɓìɓan ɓi ɓì ghɛɓsìghà ɓɛ̀gherɛ̀n, rì ɓi ɓì kaka ɓì ghɛɛ̀ghɛ̀ɓsì ɓɔ.

¹¹ Ti kɔ̀nkɔn lɛ mum ǹcèm ànɛ ɓi mìni a ɓa rì rìkuu ɗi rifalɛ̀n ɗiǹ à kpaŋ a rìsugtɛ̀n, fɔɔnnɛ ɓìɓan ɓi ɓi ɓoŋɓòŋ ɓi ri ɓiì kìlɛɛ lɛ syeesyee,

¹² ɓi lèg ànɛ lɛ kɛ̀ ɓi rɛ̀gsi nyoo, ɓi nɔɔ̀ti lɔŋ ikòò wu ɓɛroɓɛ ɓɛ gherɛɛ, ɓɛ ki ɓa ri kìsììrì; ɓɛɛ ti ɓɛ tekì ɓìɓan ɓi Bɛ̀ll à kàkà lɛ rìkì ɗyaa ɗiǹ.

¹³ Yɛ̀ɛ Bɛ̀ll à faghà Abiraham ǹkàg, à kànɛ̀ngà bɛ̀ɗ ri myimìɗ, lɛ à ɓaghà ɓi lɛ à kànɛ̀n bɛ̀ɗ ri ŋwaàdɛŋ ànɛ à cee nyi.

¹⁴ Nni à kpaaghà lɛ: Ǹkànɛɛ bɛ̀ɗ lɛ: Ǹɗì wɔ̀ ɓiì màŋi, ǹtègsì boo yɔ̀ɔ̀ i mum.

¹⁵ Abiraham à sììrɛ̀ngà ɓi rìɓoŋ ɗi nkàg wiǹ, nni à ki tekà com ki Bɛ̀ll à kàkà nyi.

¹⁶ Ɓum ɓɛ ti ɓɛ kanàg bɛ̀ɗ ri mii mɛ ɓɛroɓɛ ɓɛ ceetii ɓɔ; rìkànɛ̀n ɗi bɛ̀ɗ ɗyɛɛti ɗi rengì nywey ɓi nyìinyìm wàà, cààmɛ̀n ki ɓɛɛ̀ nyoonyolɛ̀n.

¹⁷ Yɛ̀ɛ Bɛ̀ll à kɔ̀ngà lɛ a konag kì rèsii ɓumɓɛ à faghà mɛ̀kàg lɛ nyaa lɔ̀gtiigɛ ɓi rikalì ɗii, fɔɔnnɛ à kànɛ̀ngà bɛ̀ɗ.

¹⁸ Ɓìɓan ɓi ri min ɓiɓɛɛ̀ ɓi ɓi yin lɛ ɓi lɔgtɛ̀n, ɓyɛɛ̀ɓi Bɛ̀ll à yin ɗi ìtèɗ wu lɛ à foŋ pwàà miì. Fɔlɔɔ nnɛ ɓìsiɓɛ tì mɛ tanɛn ǹnyamzɛn a lɔ̀ŋkii, ɓi mɛ fati ɓisi itèɗ lɛɛ̀gwey, lɛ ti siìri kì ɓanì dyàɓɛn inɛ ìrì ɓìsi ǹfayɛn.

¹⁹ Dyàɓɛn inɛ̀n ìrì ɓìsi yɛ̀ɛ com ki ki lenlemi cɛɓ kis, ki ɓa kì bɛ̀lɛn lɛ kpeg-kpeg, kɔ yɛɛ ɗiŋii ki syaà kìlàà ki ɓi naà-Bɛ̀ll, ki kpaŋzɛ̀n ɓi jàŋ i kìcèlì ìnɛ wɔɔ ɓiɗùm,

²⁰ jàŋ inɛ Yeesus à ɗiŋìghà ɓisu wis, fɛlɛ yɛ̀ɛ ŋwaànɛ à rì ɓìsi ǹsyòŋɛn bee, lɛ ɓɛ rɛsìghà nyi ǹlàmì ɓɛ̀pìrɛɛtìrɛ̀ àgwey isuùcèm ɓi nɗɛli wu Mɛlkisedɛg.