Bìoball air-loidhne

1 KƆ̀RƐ̀ŊTYƐŊ 8 - Bafia Nouveau Testament

Kìɓan ki nyàm yi ɓɛ funɛɛ ɓi rìɓɔgsì ɗi ɓinùn

¹ Ɓi ɓɛg ànɛ a ɓyɛn ɓi nyàm yi ɓɛ funɛɛ ɓi rìɓɔgsì ɗi ɓinùn, ɓìsiìcèm tì yii lɛ, tì rì rì ɓìɓan ɓi tì konaagh kì yiì, nni rìyi ɗi ti ɗi falàg mum ǹcàŋà wɔ̀lɛ ǹkɔ̀nɛ̀n à falàg ìtèɗ ɓi rìgherɛ̀n.

² I mum a fèfeg lɛ à yii com, ŋwaànɛ̀n à ka konag ɓi ki yiì yɛ̀ɛ ki ghɛɛ̀sɛɛ.

³ Wɔ̀lɛ i ŋwaà keesii Bɛ̀ll, di ŋwaànɛ̀n à rì ŋwaànɛ Bɛ̀ll à yii.

⁴ Nni ɓi ntɔɔ̀tɔɔgh wu lɛ ŋwaà rì nya lɛ à ɗi ɓyɛn ɓi nyàm ìnɛ ɓɛ funɛɛ ɓi rìɓɔgsì ɗi ɓinùn, ɓìsii yii lɛ kìnùn ki yin ɓi ziinɛ nsoò kìfog; Bɛ̀ll à rì lɔŋ bog.

⁵ Nsoò ɓyom ɓidɛŋ ɓyaa rì ɓi ɗyoo, nsoò lɛ ɓi ziinɛ ɓi ɓɛɛ̀ rereŋi lɛ bɛ̀ll, ɓi saaɗ à rìkpaa, ɓyom ɓi lɛ rì bɛ̀ll yidɛŋ, rì ɓɛ̀kan ɓɛdɛŋ ɓi teghɛɛ lɛɛ̀gwey,

⁶ nsoò fɔlɔɔ, ɓi ɓɛg ànɛ a lɔ̀ŋkis, Bɛ̀ll à rì lɔŋ bog, nnyɛɛ ri Seŋi ànɛ à kìghà ɓyom ɓìcèm, ɓisu wii nnɛ ɓìsiì ghɛghɛ̀ɓ. Fɔɔnnɛ Kan à rì girig bog lɛ Yeesus Kiris, ànɛ à ti à kìlàg lɛ ɓyom ɓìcèm ɓyɛɛ ɓa, ɓìsii ki ghɛghɛɓ lɛ nyi.

⁷ Wɔ̀lɛ àa ɓum ɓɛ̀cèm ɓɛɛ yi fɔlɔɔ, lɛ ɓɛ̀ro ɓɛdɛŋ ɓɛ kaka ɓɛ̀mɛ̀ɛ̀tɛn ri kìɓan ki ɓinùn ɓi lèg ànɛ lɛ, ɓɛ ti ɓɛ ɗilàg ɓyɛn ɓi fɔlɔɔ, yɛ̀ɛ ɓɛɛ̀ kali lɛ ɓyɛn ɓìn ɓi ri ɓyɛn ɓi ɓinùn; yɛ̀ɛ ǹɗem waa wu ri kɛ̀ɛ̀ ìtèɗ, ɓìɗilàg ɓiǹ ɓi caɗ ɓɔ tìfin ɓi mɛ̀rem.

⁸ Àa ɓìɗilàg ɓidɛŋ ɓyɛɛ ri ɓiì kìi lɛ ti kpaŋ Bɛ̀ll jàŋbog, nsoò tyàa ki ɗii ɓi ɓyɔ, com kidɛŋ kaa pɛ̀sɛn ɓi ɓi rìɓa ɗis, tì soo ki ɗii ɓyɔ, com kidɛŋ kɛ̀ kɛɛ̀ sagtɛn ɓi rìɓa ɗis.

⁹ Ɓì konàg yɛɛ ri lɛ rìɓa ɗin ɗi ɓì rì rì ìtèɗ wu kìyɛn rikɔ̀n ɗin ɗyɛ̀ kɛɛ̀ kɛ̀ɓti ɓɛgeni ɓin ɓɛ ɓɛ ri kɛ̀ɛ̀ ìtèɗ fiɓàg.

¹⁰ Ɓisuulɛ, i ŋwaàdɛŋ à ghɛɛ wàànɛ ù yii di u ɗiɗì ɓyom a mɛ̀kɔɔ̀ mɛ ɓinùn, nyi ànɛ à rì kɛ̀ɛ̀ ìtèɗ, nɗem wii wu ri nyi ɓiì tinii lɛ a ɗi ɓyɛn ɓi ɓɛ funɛɛ ɓi riɓɔgsì ɓìnùn.

¹¹ Fɔlɔɔ a rì ɓiì kìi lɛ, goni ànɛ à rì ànɛn kɛ̀ɛ̀ ìtèɗ, ànɛ Kiris à ki wughà ɓisu wii, a ɗyaŋ̀ lɛ rìyi ɗyɔɔ!

¹² I ɓì sɛ̀rii kì kìi fɔlɔɔ ri ɓɛ̀geni ɓin ɓɛ ɓi rìgherɛ̀n cààmɛ̀n ki ɓì yɛɛsii mɛ̀rem maa mɛ mɛ ri kɛ̀ɛ̀ ìtèɗ, di Kiris nyimiɗ innɛ ɓì kìi kìɓe.

¹³ Ɓisu wìn innɛ, i ɓìɗilàg ɓidɛŋ ɓi ri lɛ ɓi kɛɓtì geni wɛ̀m fìɓàg, m̀ɓàŋ kì cèlii ɓyɛn ìsuùcèm yɛɛ ri, à cee lɛ nkɛɓti geni wɛ̀m fìɓàg.

« Roimhe

Air adhart »

Bible Society of Cameroon

Lean sinn:

Ceanglaichean taic

Sanasan