Bìoball air-loidhne

1 KƆ̀RƐ̀ŊTYƐŊ 2 - Bafia Nouveau Testament

Kiris ànɛ ɓɛ kpangà ɓi kɔrɔs innɛ Pol a làalam̀ɓɛ̀n

¹ Ɓɔɔsoŋ̀, cààmɛ̀n ki mɛ̀ɛmiɗ ǹ-yùghà a lɔ̀ŋkin lɛ nghagsi mìni kɔɔ̀kɔɔ̀ à kìɓan a Bɛ̀ll ànɛ à ɓaghà a rìnyam, m̀ɓaghày ɓi ri ɓìtòkì ɓi ɓi yeesɛɛ rìwog, nsoò lɛ coo ɗyomzɛ̀n.

² Lɛ ǹɗengà ɓi nɗem wɛ̀m lɛ màa yi ɓi kiɓan kidɛŋ cààmɛ̀n kìcèm ki ǹɗì a lɔ̀ŋkin, i ki cee ɓi lɛ Yeesus Kiris, ki ki ɓa lɛ Yeesus Kiris ànɛ ɓɛ kpangà ɓi kɔrɔs.

³ Fɔɔnnɛ m̀ɓaghà foo a lɔ̀ŋkin lɛ rì ìkɔ̀g, rì ìris, ǹki nìniŋi lɛ kpàg kpàg kpàg.

⁴ Rìrèsàg ɗyɛm̀, rì ɓìɓan ɓi Bɛ̀ll ɓi ǹkpaakpààghà, ɓi ɓaghà ɓi ri ɓɛ̀syeesyee ɓɛ jɛ̀ɛ̀ ɓɛ ɓɛ ti ɓɛ ɓalàg yì ɓi ɗyomzɛ̀n ɗi ɓum, ɗi ki syògi ɓɔ mɛ̀rem, ɓi ɓaghà lɔŋ ɓiɓan ɓi Ǹghay à Bɛ̀ll yɛɛ rerèsìghà saaɗ ànɛ miì, rì ìtèɗ wii.

⁵ Lɛ di rìgherɛ̀n ɗin ɗyɛ̀ kɛɛ̀ saagh ǹto ɓi ɗyomzɛ̀n ɗi ɓum, ɗyɛɛ saagh lɔŋ ǹto ɓi-tèɗ wu Bɛ̀ll.

⁶ Kɔlɛ ɗyomzɛ̀n ɗidɛŋ ɗyɛɛ̀ɗi ɓìsiì rèresi ɓɛ̀kìristɛ̀n ɓɛ ɓɛ mɛ kadɛ̀n; ɗyomzɛ̀n ɗiǹ ɗi yin ɗyomzɛ̀n ɗi ɓi ziinɛ, nsoò lɛ ɗi mɛfòm mɛ ɓi ziinɛ, mɛ mɛɛ ɓiì ɓaà mɛ̀tììsiyɛn.

⁷ Ɓìsiì kakali ɓum kìɓan ki ɗyomzɛ̀n ɗi Bɛ̀ll ɗi ɗi rimi ɗi ki ɓa ɗi nyamɛn; ɗyomzɛ̀n ɗiǹ ɗyɛɛ̀ɗi Bɛ̀ll à lokà kì ɓɔ̀ni abɛ̀y ɓisuu rikem ɗis, di ziì ka kilɛn ɓi.

⁸ Nsoò rìfòm ɗifog ɗi ɓi mɛ̀fòm mɛ ɓi ziinɛ ɗi yighà ɓi ɗyomzɛ̀n ɗiǹ; i ki lɛ mɛɛ yi ɗyɔ, di mɛ ɓaghà ɓi lɛ mɛ ghɛrì Kan ànɛ à rì ǹkemì ɓi kɔrɔs.

⁹ Fɛlɛ yɛ̀ɛ ki ri kìkànɛn lɛ: Com ki ɗis ɗi ghɛngà ɓi, com ki ìreè wu wokà ɓi, ki ǹɗem wu mum wu fekà ɓi, Bɛ̀ll à pègsɛ̀ngà kɔ ɓisuu ɓumɓɛ ɓɛ keesii nyi.

¹⁰ Ɓìsi ɓɛɛ̀ɓɛ Bɛ̀ll à mɛ rèsi ɗyomzɛ̀n ɗiǹ rì Ǹghay, ɓisuulɛ Ǹghay à ti à timgì ɓìɓan ɓìcèm, nsoò ɓɛ̀fèg ɓɛ Bɛ̀ll ɓɛ ɓɛ ri ɓɛ̀rimɛn lɛ kɔɔ̀kɔɔ̀.

¹¹ Ghɛn yɛɛ ri lɛ à yi com ki ki ri ɓi nɗem wu mum, i ki yin lɛ nghay wu mum à rì rì wɔ; fɔlɔɔ nnɛ fèg ànɛ Bɛ̀ll à rì rì nyi, ŋwaàdɛŋ à yin lɛ à yi i ki yin lɛ Ǹghay à Bɛ̀ll.

¹² Ɓi ɓɛg ànɛ a lɔ̀ŋkis, àa ǹghay wu ɓi ziinɛ wɛɛ̀wu tì tekà, lɔŋ Nghay ànɛ à rìì yɛ̀ɛ Bɛ̀ll lɛ di ti yi ɓyom ɓi Bɛ̀ll à faghà ɓìsi ɓi geesɛ̀n yìì.

¹³ Nni ɓìsii yin ɓiì kpaakpaa kiɓan ki rì jɛ̀ɛ̀ yi tì teriì ɓi ɗyomzɛ̀n ɗi ɓum; ti kpaakpaa lɔŋ kɔ rì jɛ̀ɛ̀ yi Ǹghay a rèresi ɓisi, tì ki rèresi ɓumɓɛ ɓɛ ri rì Ǹghay ànɛ̀n ɓɛ̀saaɗ ɓɛ ɓi ɓìɓan ɓi ɓi Nghay lɛ tɛntɛ̀ɛ̀n.

¹⁴ Ŋwaànɛ à yin ɗi Ǹghay à Bɛ̀ll, à yin lɛ à teɗ ɓìɓan ɓi Ǹghay à Bɛ̀ll a rìì rì ɓyɔ ɓisuulɛ ɓìɓan ɓiǹ ɓi ri ɓìyèg ɓi ɓiɓan ɓi rìghɛn ɗii, fɔɔnnɛ à yin lɛ à yi ɓyɔ̀, lɛ ɓi ri ɓìɓan ɓi ɓɛɛ̀ fiɓɓag ri Ǹghay.

¹⁵ Kìɓan kifog ŋwaànɛ àrì rì Nghay à Bɛ̀ll à ti à yɔ̀mgì ɓyom ɓìcèm; mum à ki yin lɛ à yɔ̀m nyi.

¹⁶ Lɛ ghɛn yɛɛ yighà fèg à Kan, lɛ a resi nyi? Wɔ̀lɛ ɓìsii ri rì fèg à Kiris.

« Roimhe

Air adhart »

Bible Society of Cameroon

Lean sinn:

Ceanglaichean taic

Sanasan