Salmos 8 - Biblia ande chib Romani

O baripe e Devleko ta o manus

Katar o lleno kai sikavel te llilaben. Basaldi ande salterio katar o Gat. Llili e Davideki.

¹ ¡Ioi Devla! ¡Tu san amaro Gazda, gia baro si cho anav ande sa o sueto! Cho baripe si upral po miloso.

² E blagosimaia katar e chaurre ta katar e minone kai pien o kolin, cherdan iek foro ande zidura, pala e llene ka marenpe tuia, te sai achave e dusmanonen kai thode chuke kasti.

³ Kana dikhav po miloso kai tu cherdan, ta dikhav po chon ta pe cheraia kai si ando miloso,

⁴ misliu man: ¿So si o lleno? ¿So si o manus? ¿Soke de tut golli letar ta brigi tut letar?

⁵ Tu cherdan le cherricha mai tele katar e suechura, thodan le maskar o baripe ta o liubao,

⁶ dian le o gazdaripe pe ezgode kai tu cherdan, thodan le upral pe sa e ezgode:

⁷ pe bakre, pe guruva ta pe zivirinie dive,

⁸ pe chiriklia kai furian ando miloso, pe mache kai zivin ande mora, ¡ta pe sa so si ande mora!

⁹ Devla kai san amaro Gazda, ¡cho anav gazdaril pe sa e phuv!