Salmos 6 - Biblia ande chib RomaniO molipe kana si nuzda Katar o lleno kai sikavel te llilaben ande basalde kai si len ojto kuerde. Llili e Davideki. 1 Devla, na de pe mande ande chi joli, na dukhav man jolinaia. 2 Devla, te avel chuke zalba mandar, soke sen nasualo. Devla, sastar man, soke sa mi esnaga izdral. 3 ¡Izdrav daratar! A tu Devla, ¿kana ka ave? 4 ¡Aide Devla, braduisar mo zivoto!, ¡braduisar man pala cho volipe! 5 Nisavo lleno kai si mulo nasti delpe golli tutar, ¿ko ka blagosil tut ando limori? 6 Chinio sem kai gachin rovav. Gachin rovav suako riat kai me ausenchar sa chingarav mo serand. 7 Dikhav sargo iek oblako pe me akha katar o chiñipe, pala e dos katar me dusmanura. 8 ¡Len tumen mandar sa e llene kai cheren o bilachipe, soke o Del asunda mo roipe! 9 O Del asunda kai moliva man, ¡o Del lia mo molipe! 10 Me dusmanura ka meren daratar, ta ka achen ando lallao, ni ka llanen so ka cheren, ta ka nasen lallaimatar. |
Biblia ande chib Romani © Sociedad Bíblica Chilena, 2018.
Chilean Bible Society