Salmos 57 - Biblia ande chib Romani

O molipe kai mangelpe o pomozipe e Devleko

E vera ando Del. Na zatrisar. Sukar alava katar o David kana naslo katar o Saul ta gurudilo ando putardipe katar iek barr.

¹ ¡Ioi Devla! te avel chuke zalba mandar, te avel chuke zalba mandar, soke tut rodav te arakhe man. Mangav te arakhe man telal katar che pakha lligo ni ka nakhel e dar.

² Ka mangav katar o Del e milosoko, o Del kai arakhel man katar sa.

³ Vou ka bichalel katar o miloso po volipe ta po chachipe, ta ka braduil man katar e llene kai llan pala ma jolinaia.

⁴ Chudino pe phuv sem, maskar e lionura kai jan e manusen, lenge danda si sargo lanse ta llide, lengi chib si sargo iek jarni ostro.

⁵ ¡Ioi Devla! tu san upral po miloso. ¡Chi zor pherel sa e phuv!

⁶ Me dusmanura thode telal katar me porrne iek mreza te peraven man, cherde iek anadipe angla mande, a isto von peletar andre.

⁷ ¡Ioi Devla! mo lio mangel, mo lio mangel te llilabel chuke llilia.

⁸ Mangav te llungadivav, te llungadol e arpa ta o salterio, ¡ka llungadivav e neve lliveseke!

⁹ Ka blagosiv tut llilienchar, Devla, maskar e forura ta e phuvia.

¹⁰ Soke cho volipe si baro llik kai o miloso, cho chachipe resel llik kai e oblakura.

¹¹ ¡Ioi Devla! tu san upral po miloso. ¡Chi zor pherel sa e phuv!