Salmos 53 - Biblia ande chib RomaniO bilachipe e manusengo Sal 14 Katar o lleno kai sikavel te llilaben e nasualimake. Sikadipe e Davideko. 1 E dile mislin ande po lio kai inai Del: sa e manusa murisaile, cherde ezgode bilache. ¡Inai niko te cherel o lachipe! 2 Katar o miloso o Del dikhla pe manusa dal saia vareko te acharel ta te rodel e Devle. 3 A sa irisaile pe pire droma, saurre murisaile. ¡Inai niko te cherel o lachipe! ¡Inai ni iek! 4 E bilache llene ta e kochkaria ni acharen, gola kai jan me foro sargo kana jan marrno, gola kai ni molinpe e Devleke. 5 Inai soke te izdran, von izdran daratar, soke o Del rispil e kokala katar e dusmanura. Ka achen ando lallao, soke o Del ni lel len. 6 ¡Cherel o Del, te likel katar o burdo Sion o braduipe katar o Israel! Kana o Del ka ikanel len katar o foro kai sea sluge, ka veselilpe o porodo katar o Jakob, sa o foro katar o Israel. |
Biblia ande chib Romani © Sociedad Bíblica Chilena, 2018.
Chilean Bible Society