Salmos 43 - Biblia ande chib Romani

¹ Ioi Devla chin mange kris ta de orba cheres ma, duriar man katar gala llene kai ni pachan ando Del, katar e llene e kojamne ta bilache.

² Devla, tu san mi zor: ¿Soke chude man? ¿Soke ka llav zalbaia pala e briga e dusmanoki?

³ Bichal cho villelo ta cho chachipe, von ka sikaven mange o drom, von ka inllaren man kai cho santo burdo, ta kote kai tu zivi.

⁴ Ka dav kai si o than kai den chuke kurbanura, o Del katar mi veselia ta mi dragostia, ta ka blagosiv tut ande arpa. ¡Ioi Devla! murno Del.

⁵ ¿Soke ka jasarav e zor? ¿Soke ka avav brigime? Katar o Del me aduricharav, ta ka blagosiv le ios ¡Vou si mo Del ta mo braduipe!