Salmos 41 - Biblia ande chib Romani

O molipe katar iek lleno nasualo

Katar o lleno kai sikavel te llilaben.

¹ Blagosime o lleno kai thovel sama e llenenge kai si chorre, soke o Del ka arakhel le kana ka avel e nuzda.

² O Del ka arakhel le, ka del le zivoto ta veselia, ka avel blagosime pe phuv ta ni ka mukel le ande va katar leke dusmanura.

³ O Del ka del le zor kana ka avel dukhado ande pi postelia, ¡ka lel letar o nasualipe ta ka del le o sastipe!

⁴ Me phendem: Devla, te avel chuke zalba mandar, sastar man makar cherdem chuke o bilachipe.

⁵ Me dusmanura zelin te merav ta phenen: ¿Kana ka merel te jasaol leko anav?

⁶ Von aven te dikhen man, ta inai chache manchar, lengo lio si pherdo bilachipe, ta kana liken po drom murmalin pe mande.

⁷ Gola kai murzin pe mande chidiniaon ta den me orbe, mislinpe kai isto me sem o dosalo katar mi duk,

⁸ ta phenen: Gaia muka thodala pe lete o llavolo, pelotar ande postelia ta ni ka ustel nikada.

⁹ Llik o lleno kai mai volila man, kai saia man but vera ande lete, kai jala manchar mo marrno, i vou murzil pe mande.

¹⁰ A tu Devla te avel chuke zalba mandar, vazde man te pochinav lenge.

¹¹ Ta gia ka llanav kai pelem chuke drago: te na dobil man mo dusmano.

¹² A me zivisardem iek zivoto chacho, le man ande che va, te avav angla tu ostade.

¹³ ¡Blagosime te ave Devla, kai san o Del katar o Israel, akana ta ostade! ¡Gia te avelpe, gia te avelpe!